Loco Pilot Salary: రైల్వే లోకో పైలట్ జీతం.. వందే భారత్ డ్రైవర్లకే అత్యధిక వేతనమా?!

Loco Pilot Salary: భారతీయ రైల్వే ప్రపంచంలో నాల్గవ అతిపెద్ద రైలు నెట్‌వర్క్, ప్రతిరోజూ లక్షలాది మంది ప్రజలు దీనిపై ప్రయాణిస్తుంటారు. ఈ పెద్ద నెట్‌వర్క్‌ను సురక్షితంగా, సమయానికి నడిపించే అతిపెద్ద బాధ్యత రైలు డ్రైవర్ల (Loco Pilot Salary) భుజాలపై ఉంటుంది. రాజధాని, శతాబ్ది, ఇప్పుడు వందే భారత్ వంటి హై-స్పీడ్ రైళ్లలో పనిచేసే డ్రైవర్ల జీతాల గురించి ప్రజల్లో ఎప్పుడూ ఆసక్తి ఉంటుంది. వీరిలో ఎవరికి అత్యధిక జీతం లభిస్తుంది? వందే భారత్ వంటి ఆధునిక రైలు లోకో పైలట్‌కు అత్యధిక వేతనం లభిస్తుందా? లేక రాజధాని, శతాబ్ది వంటి ప్రీమియం రూట్ డ్రైవర్లకు ఎక్కువ జీతం వస్తుందా అనే ప్రశ్న తరచుగా తలెత్తుతుంది.

ఎవరికి అత్యధిక జీతం లభిస్తుంది?

వాస్తవానికి ఇండియన్ రైల్వేలో లోకో పైలట్ జీతం వారి రూట్, రైలు రకం, అనుభవం, గ్రేడ్, ఓవర్‌టైమ్‌పై ఆధారపడి ఉంటుంది. రాజధాని, శతాబ్ది, వందే భారత్ రైళ్లు అన్నీ ప్రీమియం రైళ్ల కేటగిరీ కిందకు వస్తాయి. ఈ రైళ్ల లోకో పైలట్‌లకు సాధారణ మెయిల్, ఎక్స్‌ప్రెస్ రైళ్ల లోకో పైలట్‌ల కంటే ఎక్కువ అనుభవం ఉంటుంది. అందుకే వారి జీతం కూడా ఎక్కువగా ఉంటుంది.

Also Read: ICC Promotions: టీ20 ప్రపంచకప్‌కు ముందు పాకిస్తాన్‌కు మరో అవమానం!

అయితే ఈ మూడింటిలో వందే భారత్ రైలు లోకో పైలట్ సాధారణంగా అత్యధికంగా సంపాదిస్తారు. ఎందుకంటే ఇది ఒక హై-స్పీడ్ రైలు. దీనిని నడపడానికి మరింత ఎక్కువ శిక్షణ, అనుభవం, సాంకేతిక నైపుణ్యాలు అవసరం. ఆ తర్వాత రాజధాని, శతాబ్ది లోకో పైలట్‌ల జీతాలు ఉంటాయి.

జీతం వివరాలు (బేసిక్ జీతం, అలవెన్సులు)

అసిస్టెంట్ లోకో పైలట్ (Assistant Loco Pilot): వీరి ప్రారంభ బేసిక్ జీతం రూ. 19,900 (లెవల్-2) ఉంటుంది. అలవెన్సులు అన్నీ కలిపి వీరి ఇన్-హ్యాండ్ జీతం సుమారు రూ. 30,000 నుండి రూ. 35,000 వరకు ఉంటుంది.

సీనియర్ లోకో పైలట్ (Senior Loco Pilot): అనుభవం పెరిగే కొద్దీ పోస్ట్, జీతం కూడా పెరుగుతాయి. ఒక సీనియర్ లోకో పైలట్ జీతం రూ. 35,000 నుండి రూ. 55,000 మధ్య ఉండవచ్చు.

చీఫ్ లోకో పైలట్ (Chief Loco Pilot): వీరి జీతం రూ. 60,000 లేదా అంతకంటే ఎక్కువ రూ. 90,000 వరకు కూడా ఉండవచ్చు. అయితే ప్రీమియం రైళ్లు (వందే భారత్, రాజధాని వంటివి) నడిపే డ్రైవర్లు ఈ సాధారణ జీతాల కంటే చాలా ఎక్కువగా సంపాదిస్తారు.