Late Night foods : మీరు రాత్రుళ్లు నిద్రపోవడానికి కష్టపడుతున్నారా? నిద్రలేమితో బాధపడుతున్నారా? దీనికి చాలా కారణాలు ఉండవచ్చు. వాటిలో ముఖ్యమైనది మన ఆహారపు అలవాట్లు. రాత్రి పడుకునే ముందు ఏం తింటున్నామనేది చాలా ముఖ్యం. ముఖ్యంగా జంక్ ఫుడ్స్, రెడ్ మీట్, మసాలాలు ఎక్కువగా ఉన్న ఆహారాలు, నూనె పదార్థాలు రాత్రి పూట తినడం వల్ల నిద్ర మరింత దూరమవుతుంది. ఈ ఆహారాలు శరీరానికి హానికరం మాత్రమే కాకుండా, నిద్రలేమి సమస్యను మరింత పెంచుతాయి.
మసాలా, నూనె పదార్థాలు, రెడ్ మీట్ -నిద్రలేమి
మీకు ఒక డౌట్ రావచ్చు, రాత్రిపూట నేను మంచి ఫుడ్ తినడానికే కదా నిద్రలేమి సమస్య రావడానికి కారణం ఏంటి అని. రాత్రిళ్లు మసాలాలు ఎక్కువగా ఉన్న ఆహారాలు తింటే జీర్ణక్రియ కష్టమవుతుంది. ముఖ్యంగా కారంగా ఉండే పదార్థాలు తినడం వల్ల గుండెల్లో మంట, యాసిడ్ రిఫ్లెక్స్ లాంటి సమస్యలు వస్తాయి. దీనివల్ల నిద్ర పట్టదు. అదేవిధంగా నూనె ఎక్కువగా ఉండే ఆహారాలు కూడా జీర్ణక్రియను నెమ్మది చేస్తాయి. దీనివల్ల కడుపులో అసౌకర్యంగా అనిపించి నిద్ర పోలేరు. రెడ్ మీట్ జీర్ణం కావడానికి ఎక్కువ సమయం పడుతుంది. రాత్రి సమయంలో ఇది తినడం వల్ల శరీరం విశ్రాంతి తీసుకోవడానికి బదులుగా ఆహారాన్ని జీర్ణం చేయడానికి కష్టపడుతుంది. ఫలితంగా రాత్రంతా సరిగా నిద్ర పట్టదు.
Heavy Rains: భారీ వర్షాల నేపథ్యంలో అప్రమత్తంగా ఉండండి: సీఎం చంద్రబాబు
జంక్ ఫుడ్ వల్ల కలిగే నష్టాలు
పిజ్జాలు, బర్గర్లు, ఫ్రెంచ్ ఫ్రైస్ లాంటి జంక్ ఫుడ్స్ తినడానికి చాలా రుచికరంగా ఉంటాయి. కానీ వీటిని రాత్రి పూట తినడం వల్ల చాలా నష్టాలు ఉన్నాయి. ఈ జంక్ ఫుడ్స్ లో చక్కెర, ఉప్పు కొవ్వు ఎక్కువగా ఉంటాయి. ఈ పదార్థాలు రాత్రిపూట శరీరానికి శక్తినిచ్చి మెదడును చురుకుగా ఉంచుతాయి. ముఖ్యంగా చక్కెర పదార్థాలు ఇన్సులిన్ స్థాయిలను పెంచి, నిద్రకు అవసరమైన మెలటోనిన్ ఉత్పత్తిని తగ్గిస్తాయి. అదేవిధంగా సోడియం ఎక్కువగా ఉండటం వల్ల శరీరంలో నీరు చేరి, రాత్రంతా తరచుగా మూత్ర విసర్జన కోసం లేవాల్సి వస్తుంది. దీనివల్ల కూడా నిద్రకు భంగం కలుగుతుంది.
నిద్రలేమి, ఆహారపు అలవాట్లు, శరీరంపై ప్రభావం
క్రమం తప్పకుండా రాత్రిళ్లు ఇలాంటి ఆహారాలు తినడం వల్ల నిద్ర సరిగా పట్టకపోవడమే కాకుండా, శరీర బరువు పెరగడం, గుండె సమస్యలు, టైప్ 2 డయాబెటిస్ లాంటి దీర్ఘకాలిక సమస్యలు వచ్చే ప్రమాదం ఉంది. నిద్ర లేకపోవడం వల్ల ఒత్తిడి, ఆందోళన పెరుగుతాయి. దీనివల్ల కూడా ఆహారంపై ఆసక్తి తగ్గుతుంది. అంతేకాకుండా, నిద్ర సరిగా లేకపోవడం వల్ల జీవక్రియ నెమ్మదించి, శరీరంలో కొవ్వు పేరుకుపోయే అవకాశాలు పెరుగుతాయి. దీనివల్ల బరువు పెరగడం, శక్తి స్థాయిలు తగ్గడం లాంటివి జరుగుతాయి.
మరి నిద్రలేమి సమస్యను తగ్గించుకోవాలంటే ఏం చేయాలి? నిద్రలేమి సమస్యను తగ్గించుకోవాలంటే కొన్ని ఆరోగ్యకరమైన మార్గాలను అనుసరించాలి. రాత్రిపూట తేలికైన, త్వరగా జీర్ణమయ్యే ఆహారం తీసుకోవాలి. రాత్రి భోజనం పడుకునే సమయానికి 2-3 గంటల ముందు ముగించడం మంచిది. బంగాళాదుంపలు, పాలు, గంజి లాంటి పదార్థాలు నిద్రకు సహాయపడతాయి. అదే విధంగా కెఫిన్ ఉన్న పానీయాలు రాత్రి పూట తాగడం మానేయాలి. ప్రతిరోజూ ఒకే సమయానికి పడుకొని, ఒకే సమయానికి లేవడానికి ప్రయత్నించాలి. అలాగే వ్యాయామం చేయడం, ఒత్తిడిని తగ్గించుకోవడం ద్వారా కూడా నిద్రలేమి సమస్యను అధిగమించవచ్చు.
Heavy Rains: భారీ వర్షాల నేపథ్యంలో అప్రమత్తంగా ఉండండి: సీఎం చంద్రబాబు