Communication Skills : ఎంత ప్రతిభ ఉన్నా కమ్యూనికేషన్ స్కిల్స్ లేకపోతే, మనకు ఉన్న టాలెంట్ సరిగా బయటపడదు. ఎందుకంటే ఎంత గొప్పగా ఆలోచించినా, అవి చెప్పే విధానం సరైన దిశలో లేకపోతే అవతలి వారికి అర్థం కాకపోతుంది. మనం ఎవరితోనైనా మాట్లాడేటప్పుడు, మన భావాలను వ్యక్తం చేయడంలో, కొత్తవారితో కనెక్ట్ అవ్వడంలో, మన మాటలే ప్రధాన పాత్ర పోషిస్తాయి. మీరు ఎలా మాట్లాడుతున్నారు అనేదే, ఇతరుల మనసులో మీపై అభిప్రాయాన్ని ఏర్పరుస్తుంది. కనుక, కమ్యూనికేషన్ స్కిల్స్ మెరుగుపర్చుకోవడం ప్రతి ఒక్కరి బాధ్యత. మీరు ఎంత తెలివిగా ఉన్నా, మాటల్లో స్పష్టత లేకుంటే అది బయట పడదు. మంచి కమ్యూనికేషన్ ఉన్నవారు ఎప్పటికీ ప్రత్యేకంగా గుర్తించబడతారు. మీరు ఈ స్కిల్లో బలహీనంగా ఉంటే, పక్కా ఫలితాలివ్వగల కొన్ని సులభమైన టిప్స్ ఉన్నాయి.
1. సమాధానానికి ముందు ఒక మూడు సెకన్లు ఆగండి
మీరు ఏదైనా ప్రశ్నకు సమాధానం చెప్పే ముందు తడబడకుండా ఆలోచించేందుకు మూడుసెకన్ల వ్యవధిని తీసుకోండి. ఇది మీ రియాక్షన్ను ప్రశాంతంగా, ఆత్మవిశ్వాసంతో ఉండేలా చేస్తుంది. ఆగిన అనంతరం మీరు మాట్లాడితే, చెప్పే పదాలు స్పష్టంగా ఉంటాయి. ఇలా చేయడం వల్ల మీరు చెప్పే విషయాన్ని అవతలి వారు సులభంగా అర్థం చేసుకుంటారు.
2. రికార్డ్ చేసి చెక్ చేసుకోండి
మీకు ఇష్టమైన అంశంపై రెండు నిమిషాలు మాట్లాడుతూ వీడియోగా రికార్డ్ చేసుకోండి. ఆ వీడియోను చూసి మీ శబ్దం, శరీర భాష, చేతి సంజ్ఞలు ఎలా ఉన్నాయో చూడండి. మొదట్లో ఇది అసౌకర్యంగా అనిపించవచ్చు కానీ తరచూ ఇది చేయడం వల్ల స్టేజ్ భయం తగ్గుతుంది. మిమ్మల్ని మీరు చూసే అలవాటు వల్ల మీలో ఆత్మవిశ్వాసం పెరుగుతుంది.
3. మైక్రో స్టోరీటెల్లింగ్ను ఉపయోగించండి
వాస్తవాలను చెప్తే వినగలుగుతారు కానీ కథలు చెబితే గుర్తుండిపోతాయి. మీ పాయింట్ను ఒక చిన్న కథ రూపంలో, 60 సెకన్లలో ముగించేలా చెప్పండి. ఇది శ్రోతలో ఆసక్తిని కలిగిస్తుంది. మీ అనుభవాలను ఓ చిట్టి స్టోరీగా చెప్పడం వల్ల అవి ఎక్కువకాలం గుర్తుండిపోతాయి.
4. వినడానికీ సమాన ప్రాధాన్యత ఇవ్వండి
మాట్లాడడమే కాకుండా వినడాన్ని కూడా అభ్యసించండి. మాట్లాడే వ్యక్తిని పూర్తిగా శ్రద్ధగా వినడం మంచిది. మధ్యలో మాట్లాడకుండా, వారి మాటలు పూర్తయ్యేంతవరకూ ఆగండి. మీరు వినడం వల్ల, అవతలివారిలో నమ్మకం ఏర్పడుతుంది. మొబైల్ పక్కన పెట్టి వారిని ఆసక్తిగా చూడండి. ఇది సంభాషణ నాణ్యతను పెంచుతుంది.
5. మిర్రర్ టెక్నిక్ ఉపయోగించండి
మీ శరీర భాషను మెరుగుపరచడానికి అద్దం ముందు సాధన చేయండి. రోజూ కొంత సమయం అద్దం ముందు మాట్లాడే అలవాటు చేసుకోండి. భుజాలు సూటిగా ఉంచి, చిన్న చిరునవ్వుతో, కంటి కాంటాక్ట్ను మెయింటేన్ చేస్తూ మాట్లాడండి. ఇది మీ బాడీ లాంగ్వేజ్ను మెరుగుపరుస్తుంది. ఇలా చేయడం వల్ల మీ భయాలను దూరం చేయడమే కాకుండా, మీరు చెప్పే విషయాలకు బలమూ వస్తుంది. కాగా, కమ్యూనికేషన్ అనేది సహజంగా వచ్చే లక్షణం కాదు. దీన్ని సాధన ద్వారా అభివృద్ధి చేసుకోవచ్చు. పై ఐదు టెక్నిక్స్ మీలో మాటల్లో స్పష్టతను, శక్తిని పెంచుతాయి. ఇవి రోజు దినచర్యలో అమలు చేస్తే, మీరు మంచి కమ్యూనికేటర్గా ఎదగడం ఖాయం. మాటల్లో స్పష్టత ఉండటం, శ్రద్ధగా వినడం, సరైన భంగిమతో మాట్లాడటం – ఇవన్నీ కలిపి మన కమ్యూనికేషన్ని నిబద్ధతగా మార్చేస్తాయి.