Egg Boiling Hacks: సాధారణంగా ఇంట్లో గుడ్లు లేదా బంగాళదుంపలు ఉడికించేటప్పుడు చాలా మంది ఆ నీటిలో కొంచెం నిమ్మరసం లేదా చిన్న నిమ్మకాయ ముక్కను వేయడం మీరు చూసే ఉంటారు. ఇది చాలా కాలంగా వాడుకలో ఉన్న ఒక చిన్న కిచెన్ ట్రిక్. అయితే దీని వెనుక ఉన్న అసలు కారణాలు, ప్రయోజనాలు చాలా తక్కువ మందికే తెలుసు. ఆ ఆసక్తికరమైన విషయాలు ఇప్పుడు తెలుసుకుందాం.
నీటిలో నిమ్మకాయ ఎందుకు వేస్తారు?
నీటిలో నిమ్మరసం కలపడం వల్ల ఉడికించే సమయంలో గుడ్డు పెంకు పగిలిపోయే అవకాశం చాలా వరకు తగ్గుతుంది. అంతేకాకుండా ఉడికిన తర్వాత గుడ్డు పెంకును వలవడం చాలా సులభం అవుతుంది. నిమ్మకాయలోని స్వల్ప ఆమ్ల గుణం నీటిలోని pH స్థాయిని సమతుల్యం చేస్తుంది. గుడ్డుపై పొరను గట్టిగా ఉంచడానికి సహాయపడుతుంది. దీనివల్ల గుడ్లు త్వరగా, సమానంగా ఉడుకుతాయి.
నిమ్మకాయ వేస్తే గుడ్లు త్వరగా ఉడుకుతాయా?
అవును, నిమ్మరసం వల్ల నీరు కొంచెం ఆమ్లయుతంగా మారుతుంది. దీనివల్ల వేడి ప్రసరణ మెరుగ్గా జరిగి గుడ్లు త్వరగా ఉడుకుతాయి.
గుడ్డు రుచి మారుతుందా?
లేదు. మనం చాలా తక్కువ పరిమాణంలో నిమ్మరసం ఉపయోగిస్తాం కాబట్టి ఆ రుచి గుడ్డు లోపలికి వెళ్లదు. ఇది కేవలం ఉడికించే ప్రక్రియను సులభతరం చేస్తుంది.
Also Read: బీసీసీఐ అవార్డ్స్.. ‘క్రికెటర్ ఆఫ్ ది ఇయర్’గా శుభ్మన్ గిల్, స్మృతి మంధాన!
నిమ్మకాయ లేకపోతే ఏం చేయాలి?
నిమ్మకాయ అందుబాటులో లేకపోతే కొంచెం వెనిగర్ కూడా వాడవచ్చు. ఇది కూడా నిమ్మకాయ లాగే పనిచేసి పెంకు పగలకుండా చూస్తుంది.
ఎప్పుడు వేయాలి?
గుడ్లు ఉడికించే ముందే నీటిలో సుమారు అర టీస్పూన్ నిమ్మరసం వేసి, ఆ తర్వాత గుడ్లు వేసి ఉడికించాలి.
బంగాళదుంపలు ఉడికించేటప్పుడు కూడా ఈ ట్రిక్ పనిచేస్తుంది!
బంగాళదుంపలు ఉడికించేటప్పుడు నిమ్మరసం వేయడం వల్ల అవి త్వరగా ఉడకడమే కాకుండా వాటి రంగు మారకుండా (నల్లబడకుండా) తెల్లగా ఉంటాయి. సాధారణంగా బంగాళదుంపలు ఉడికిన తర్వాత కొన్నిసార్లు ముదురు రంగులోకి మారుతుంటాయి. కానీ నిమ్మకాయలోని ఆమ్ల గుణం ఆ ప్రక్రియను ఆపుతుంది. మీరు బంగాళదుంపలతో సలాడ్లు లేదా స్నాక్స్ చేయాలనుకున్నప్పుడు ఈ ట్రిక్ చాలా బాగా ఉపయోగపడుతుంది.