మన జీవితంలో ప్రతిరోజూ ఉపయోగించే వస్తువులను (Objects ) శుభ్రత, ఆరోగ్యం దృష్ట్యా నిర్దిష్ట వ్యవధి తర్వాత తప్పనిసరిగా మార్చుకోవాలని నిపుణులు సూచిస్తున్నారు. సాధారణంగా మనం ఒక వస్తువు ఎక్కువ కాలం ఉపయోగించడం వల్ల దాని నాణ్యత తగ్గిపోతుంది, దాంతోపాటు జీవాణులు, బ్యాక్టీరియా పేరుకుపోయే అవకాశాలు కూడా ఎక్కువగా ఉంటాయి. ఉదాహరణకు టూత్ బ్రష్ను మూడు నెలలకు ఒకసారి మార్చకపోతే, దానిలోని రోమాలు బలహీనమవుతూ నోటి శుభ్రతను సరిగా ఇవ్వవు. ఇది దంత సమస్యలకు దారితీయవచ్చు. అలాగే లోదుస్తులు 6–12 నెలలకు మార్చకపోతే, అవి చెమట వాసన, చర్మ సమస్యలకు కారణమవుతాయి.
Suryakumar Yadav : వైరల్ గా మారిన సూర్యకుమార్ సమాధానం..అసలు ఏంజరిగిందంటే !!
ఇంట్లో ఉపయోగించే ఇతర వస్తువులకూ కూడా ఒక గడువు ఉంటుంది. ఉదాహరణకు చీపురును ఎక్కువ కాలం వాడితే దానిలో ధూళి, కీటకాలు పేరుకుపోయే అవకాశముంది కాబట్టి దానిని 1–2 ఏళ్లకు ఒకసారి మార్చాలి. అలాగే మనం ప్రతిరోజూ నిద్రించే పరుపు 7–10 సంవత్సరాలకు ఒకసారి మార్చడం మంచిది. ఎందుకంటే కాలక్రమేణా పరుపు లోపలి పదార్థం దెబ్బతింటుంది, దాంతో శరీరానికి సరైన మద్దతు అందక వెన్నునొప్పి, మెడ నొప్పి వంటి సమస్యలు వస్తాయి. అలాగే దిండును రెండేళ్లకోసారి తప్పక మార్చుకోవాలి. ఎందుకంటే దిండులో ధూళి పురుగులు పేరుకుపోయి అలర్జీలు రావడానికి అవకాశం ఉంటుంది.
అదే విధంగా కిచెన్లో వాడే వస్తువుల విషయంలో కూడా జాగ్రత్త అవసరం. వంట పాత్రలను శుభ్రం చేసే స్పాంజ్ను రెండు వారాలకు ఒకసారి మార్చడం మంచిది. ఎందుకంటే వంటగదిలో తేమ ఉండటం వల్ల స్పాంజ్లో బాక్టీరియా వేగంగా పెరుగుతుంది. సన్ స్క్రీన్ క్రీమ్ను 12 నెలలకు మించకుండా వాడాలి, లేదంటే దాని ప్రభావం తగ్గి చర్మాన్ని సూర్యకిరణాల నుండి రక్షించడంలో విఫలమవుతుంది. మొత్తానికి, మనం ఉపయోగించే వస్తువులను సరైన సమయంలో మార్చడం ద్వారా ఆరోగ్యాన్ని కాపాడుకోవచ్చు, అనవసరమైన ఇన్ఫెక్షన్లు, సమస్యలను దూరం చేసుకోవచ్చు.