Phones Vs Wallets : చాలామంది ఈ మధ్యకాలంలో స్మార్ట్ఫోన్ బ్యాక్ కవర్ను వ్యాలెట్లా వాడేస్తున్నారు. బ్యాక్ కవర్ లోపల డబ్బులు, డెబిట్ కార్డులు, క్రెడిట్ కార్డులను దాచేస్తున్నారు. వాస్తవానికి అలా చేయడం మంచిది కాదని ఎక్స్పర్ట్స్ అంటున్నారు. దీనివల్ల అసలుకే ఎసరు రావచ్చని.. ఫోన్ పేలిపోయే రిస్క్ ఉంటుందని చెబుతున్నారు. అంతదాకా పోకముందే అందరూ ఫోన్ బ్యాక్ కవర్లో డెబిట్, క్రెడిట్ కార్డులను ఉంచడాన్ని ఆపేయాలి.
We’re now on WhatsApp. Click to Join
ప్రతి దానికి ఒక పరమార్ధం ఉంటుంది. ఫోన్ బ్యాక్ కవర్లో డబ్బులు, క్రెడిట్ కార్డులు, డెబిట్ కార్డులను దాచడానికి కూడా ఒక పరమార్థం ఉంది. అదేమిటంటే.. అత్యవసరం. ఎమర్జెన్సీ టైంలో పనికొస్తాయని వాటిని అలా ఉంచుతుంటారు. ఈ ఉద్దేశం మంచిదే. కానీ వాటిని ఆ విధంగా ఉంచడం వల్ల కొంత నెగెటివ్ రిజల్ట్ కూడా వస్తుంది. స్మార్ట్ఫోన్(Phones Vs Wallets) నిత్యం వేడెక్కుతుంటుంది. దాని వెనుక వైపు నుంచి చాలా వేడి రిలీజ్ అవుతుంటుంది. ప్రత్యేకించి ఓటీటీ యాప్లు, గేమ్స్ ఆడటం వల్ల ఫోన్ హీట్ అవుతుంది. ఈ వేడి అనేది స్మార్ట్ ఫోనులోని ప్రాసెసర్ నుంచి బయటికి వస్తుంటుంది. అదే టైంలో ఫోన్ వెనుక క్యాష్, కార్డులు ఉంటే.. డేంజర్. ప్రాసెసర్ హీట్, కార్డుల ఎఫెక్టు కలగలిసి పేలుడు సంభవించే ముప్పు కూడా ఉంటుంది. కొన్ని సార్లు ఫోన్ పేలకపోయినా, దాని లైఫ్ టైం తగ్గుతుంది.