హిమాచల్ ప్రదేశ్, ఉత్తరాఖండ్‌లో కురుస్తున్న భారీ వర్షాల కారణంగా యమునా నది (Yamuna flood waters) ఉగ్రరూపం దాల్చింది. వరద నీరు తాజ్‌మహల్ చుట్టూ ఉన్న ప్రహరీ గోడల (Taj Mahal wall) వరకు చేరుకుంది. అధికారులు తెలిపిన వివరాల ప్రకారం, యమునా నది నీటి మట్టం ప్రమాద స్థాయిని మించి ప్రవహిస్తోంది. ఈ ఆకస్మిక వరదలు పర్యాటకుల్లో ఆందోళనను రేకెత్తించాయి. ఇసుక బ్యాగుల సాయంతో వరద నీరు తాజ్ మహల్ ప్రాంగణంలోకి రాకుండా జాగ్రత్తలు తీసుకుంటున్నారు.
Online Food Order : GST దెబ్బ.. ఆన్లైన్లో ఫుడ్ ఆర్డర్ చేసేవారి జేబులకు చిల్లు
ఈ నేపథ్యంలో, ఆగ్రా జిల్లా యంత్రాంగం వరదలపై అప్రమత్తమైంది. వరద హెచ్చరికలు జారీ కావడంతో ముందస్తు జాగ్రత్త చర్యలు చేపట్టారు. లోతట్టు ప్రాంతాల ప్రజలను సురక్షిత ప్రాంతాలకు తరలించే ఏర్పాట్లు చేస్తున్నారు. ప్రస్తుతం, తాజ్‌మహల్‌ను తాకిన వరద నీటి వీడియోలు, ఫోటోలు సోషల్ మీడియాలో వైరల్ అవుతున్నాయి. తాజ్ మహల్ నిర్మాణం కోసం యమునా నది వైపు నిర్మించిన ప్రత్యేక ఫౌండేషన్లు ఇప్పుడు కూడా చెక్కుచెదరకుండా ఉన్నాయా అని నెటిజన్లు ఆందోళన వ్యక్తం చేస్తున్నారు.
ప్రస్తుత పరిస్థితులను జిల్లా యంత్రాంగం నిశితంగా పరిశీలిస్తోంది. వరదల వల్ల తాజ్ మహల్‌కు ఎలాంటి నష్టం కలగకుండా అన్ని రకాల రక్షణ చర్యలు తీసుకుంటున్నారు. తాజ్ మహల్ అనేది మన దేశ వారసత్వ సంపద కాబట్టి, దాని భద్రతకు అత్యధిక ప్రాధాన్యత ఇస్తున్నారు. వరద పరిస్థితులు తగ్గుముఖం పట్టేవరకు ప్రజలు, పర్యాటకులు జాగ్రత్తగా ఉండాలని అధికారులు సూచించారు.