సిగ‌రెట్‌, పొగాకు ప‌దార్థాల‌పై నిషేధం విధించిన రాష్ట్ర ప్ర‌భుత్వం!

Tobacco Products: 22 జనవరి 2026న ఒడిశా ప్రభుత్వం పొగాకు, పాన్ మసాలాకు సంబంధించి కీలక నిర్ణయం తీసుకుంది. ఇప్పుడు ఒడిశాలో బీడీ, సిగరెట్, గుట్కా, పొగాకు, ఖైనీ, జర్దాతో సహా అన్ని రకాల పదార్థాలపై నిషేధం విధించబడింది. వీటి ఉత్పత్తి, ప్యాకేజింగ్, పంపిణీ, విక్రయాలపై కూడా రాష్ట్రంలో ఆంక్షలు విధించారు. రాష్ట్ర ఆరోగ్య శాఖ నోటిఫికేషన్ విడుదల చేస్తూ ఈ కొత్త నిబంధనలను అమలులోకి తెచ్చింది.

నిషేధించిన పొగాకు ఉత్పత్తుల జాబితా

• గుట్కా, పాన్ మసాలా, జర్దా, ఖైనీ.
• అన్ని రకాల ఫ్లేవర్డ్, సెంటెడ్ లేదా ఇతర పదార్థాలు కలిపిన నమిలే ఉత్పత్తులు.
• ప్యాక్ చేసిన లేదా విడిగా అమ్మే అన్ని రకాల పొగాకు ఉత్పత్తులు.
• వేర్వేరు ప్యాకెట్లలో విక్రయించబడి, కలిపి ఉపయోగించే ఉత్పత్తులు.

పేరు ఏదైనా సరే పొగాకు లేదా నికోటిన్ కలిపిన ఏదైనా ఆహార పదార్థం. ఈ నిషేధం నోటి ద్వారా తీసుకునే అన్ని రకాల పొగాకు ఉత్పత్తులకు వర్తిస్తుంది. అవి ఏ రూపంలో తయారు చేసినా, విక్రయించినా, నిల్వ చేసినా లేదా ఉపయోగించినా అది చట్టవిరుద్ధం.

Also Read: మున్సిపల్ ఎన్నికల నేపథ్యంలో కేటీఆర్ కు సవాల్ విసిరిన మంత్రి కోమటిరెడ్డి

ఈ ఉత్పత్తులను ఎందుకు నిషేధించారు?

జర్దా, ఖైనీ, గుట్కా, పొగాకు ఉత్పత్తుల వాడకం క్యాన్సర్‌కు ప్రధాన కారణమని ఆరోగ్య శాఖ తెలిపింది. ఇవే కాకుండా పాన్ మసాలా, పాన్, సోపారీ, పొగాకు ఆకులు వంటి ఉత్పత్తులు కూడా ఆరోగ్యానికి హానికరం.

తీవ్రమైన ముప్పు: ఈ ఉత్పత్తులు ఆరోగ్యానికి చాలా ప్రమాదకరం.

క్యాన్సర్ కారకాలు: ఇంటర్నేషనల్ ఏజెన్సీ ఫర్ రీసెర్చ్ ఆన్ క్యాన్సర్, WHO వీటిని క్యాన్సర్ కలిగించే కారకాలుగా గుర్తించాయి.

వ్యాధులు: నోరు, గొంతు, కడుపు, మూత్రపిండాలు, ఊపిరితిత్తుల క్యాన్సర్ వచ్చే ప్రమాదం గణనీయంగా పెరుగుతుంది.

అధిక వినియోగం: ఒడిశాలో 42% కంటే ఎక్కువ మంది పెద్దలు పొగ రహిత పొగాకును వాడుతున్నారు. ఇది జాతీయ సగటు కంటే దాదాపు రెట్టింపు.

యువతపై ప్రభావం: ముఖ్యంగా పిల్లలు, యువత వీటి బారిన పడి అలవాటు చేసుకుంటున్నారు. ఇది వారి మౌఖిక ఆరోగ్యాన్ని దెబ్బతీస్తోంది.

పొగాకు రహిత ఒడిశా సంకల్పం

సుప్రీంకోర్టు ఆదేశాలు, ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా (FSSAI) నిబంధనల ప్రకారం ఈ నిర్ణయం తీసుకోబడింది. ఆరోగ్య- కుటుంబ సంక్షేమ శాఖ ఈ ఆంక్షల నోటిఫికేషన్‌ను విడుదల చేసింది. ఒక అధికారి మాట్లాడుతూ.. “ఈ నిషేధం నోటి ద్వారా తీసుకునే అన్ని పొగాకు ఉత్పత్తులను కవర్ చేస్తుంది. సుప్రీంకోర్టు తీర్పుల మద్దతు ఉన్నందున దీనికి చట్టపరంగా పూర్తి బలం ఉంటుంది” అని తెలిపారు. ప్రజలు ఈ నిబంధనలను పాటించాలని, పొగాకు రహిత ఒడిశాను రూపొందించడంలో సహాయపడాలని ప్రభుత్వం విజ్ఞప్తి చేసింది. రాష్ట్రంలో క్యాన్సర్, ఇతర వ్యాధులను అరికట్టే దిశగా ఇది ఒక పెద్ద అడుగు.