Bihar Assembly Sessions: నువ్వు మహిళ ఎమ్మెల్యేవి నీకేం తెలియదు: రాష్ట్ర సీఎం

Bihar Assembly Sessions: బీహార్ అసెంబ్లీ వర్షాకాల సమావేశాల్లో మూడో రోజైన బుధవారం విపక్ష సభ్యులు గందరగోళం సృష్టించారు. రాజ్యాంగంలోని తొమ్మిదో షెడ్యూల్‌లో రిజర్వేషన్లను చేర్చాలని ప్రతిపక్ష సభ్యులు డిమాండ్ చేశారు. విపక్షాల నినాదాలు ముఖ్యమంత్రి నితీష్‌ కుమార్‌కు కోపం తెప్పించాయి. నితీష్ కుమార్ ఆగ్రహంతో ఆర్జేడీ మహిళా ఎమ్మెల్యేను మందలించారు.

ఆర్జేడీ ఎమ్మెల్యే రేఖాదేవి, ఇతర ప్రతిపక్ష ఎమ్మెల్యేలు కొత్త రిజర్వేషన్లను 9వ షెడ్యూల్‌లో చేర్చాలని డిమాండ్ చేశారు. దీనిపై ముఖ్యమంత్రి నితీష్ కుమార్ మండిపడ్డారు. “ఏయ్ నువ్వు మహిళవా… నీకేమీ తెలీదు కూర్చో అంటూ వ్యాఖ్యానించారు. కాగా మహిళా ఎమ్మెల్యేపై నితీష్ కుమార్ చేసిన కామెంట్స్ పై రాజకీయాలు వేడెక్కాయి. మహిళా వ్యతిరేకి అయిన నితీష్ వెంటనే రాజీనామా చేయాలి. మహిళా కమిషన్ దీనిపై స్వయంచాలకంగా స్పందించి చర్యలు తీసుకుంటుందని మేము ఆశిస్తున్నామని ప్రతిపక్షాలు సీఎంపై అసహనం వ్యక్తం చేశారు.

ఇక సమావేశాల్లో ముఖ్యమంత్రి నితీష్‌ కుమార్‌ మాట్లాడుతూ.. కుల గణన తర్వాత ప్రభుత్వం ఇప్పటికే రిజర్వేషన్ల పరిమితిని పెంచిందని అన్నారు. పాట్నా హైకోర్టు దీన్ని నిషేధించింది. హైకోర్టు నిర్ణయాన్ని వ్యతిరేకిస్తూ ప్రభుత్వం సుప్రీంకోర్టును ఆశ్రయించింది. తొమ్మిదో షెడ్యూల్‌లో చేర్చాలని ప్రభుత్వం కేంద్ర ప్రభుత్వానికి లేఖ కూడా రాసింది. దీని తరువాత, ఈ విషయంలో రచ్చ సృష్టించడం వల్ల ప్రయోజనం లేదని చెప్పారు. కుల ప్రాతిపదికన జనాభా లెక్కల అనంతరం 94 లక్షల మంది పేదలను గుర్తించామన్నారు. వీరి అభివృద్ధికి ప్రభుత్వం ఒక్కొక్కరికి రూ.2 లక్షలు ఇవ్వడం ప్రారంభించిందని చెప్పారు.

విపక్షాల వ్యతిరేకతపై పార్లమెంటరీ వ్యవహారాల మంత్రి విజయ్ చౌదరి మాట్లాడుతూ బీహార్ ప్రభుత్వం ఇప్పటికే తొమ్మిదో షెడ్యూల్‌లో పెంచిన రిజర్వేషన్లను చేర్చాలని ప్రతిపాదన పంపిందని అన్నారు. మీరు కేవలం సానుభూతి పొందాలని కోరుకుంటున్నారని ఆయన అన్నారు. విపక్ష ఎమ్మెల్యేలు సభలో నినాదాలు చేయడంతో నితీశ్‌ కుమార్‌ సీరియస్ అవ్వడం చర్చనీయాంశమైంది. ఈ గందరగోళాన్ని గమనించిన స్పీకర్ సభా కార్యక్రమాలను మధ్యాహ్నం 2 గంటలకు వాయిదా వేశారు.

Also Read: Mr Smile : ‘మిస్టర్‌ స్మైల్‌’.. ఉద్యోగుల నవ్వును స్కాన్ చేస్తాడు