NCC Special Entry : ఏదైనా డిగ్రీతో పాటు ఎన్‌సీసీ అర్హత కలిగిన వారికి గొప్ప అవకాశం. అవివాహిత పురుషులు, మహిళా అభ్యర్థులకు మంచి ఛాన్స్. ఎన్‌సీసీ స్పెషల్ ఎంట్రీ స్కీమ్ 57వ కోర్సుకు భారత ఆర్మీ నోటిఫికేషన్ విడుదల చేసింది. ఇందులో భాగంగా 76 షార్ట్ సర్వీస్ కమిషన్ (ఎస్ఎస్సీ) ఆఫీసర్ పోస్టులను(Army Officer Posts) భర్తీ చేయనున్నారు. వీటిలో 70 పోస్టులను పురుషులకు కేటాయించారు. ఈ పోస్టులలో 63 జనరల్ కేటగిరీ వారికి, 7 పోస్టులను యుద్ధ ప్రమాదాల్లో గాయపడ్డ ఆర్మీ సిబ్బందికి కేటాయించారు. మిగతా 6 పోస్టులను మహిళలకు కేటాయించారు. ఈ పోస్టులలో 5 జనరల్ కేటగిరీ వారికి, 1 పోస్టును యుద్ధ ప్రమాదాల్లో గాయపడిన ఆర్మీ సిబ్బందికి కేటాయించారు. 01.01.2025 నాటికి 19-25 సంవత్సరాల మధ్య ఉన్నవారు మాత్రమే దరఖాస్తు చేయడానికి అర్హులు.
49 వారాల శిక్షణ
అభ్యర్థులు ఆన్‌లైన్ ద్వారా తమ దరఖాస్తులను సమర్పించవచ్చు. ఆన్‌లైన్ దరఖాస్తు ప్రక్రియ జులై 11న ప్రారంభమైంది. ఆగస్టు 9 వరకు దరఖాస్తులను స్వీకరిస్తారు. అభ్యర్థులు 50 శాతం మార్కులతో ఏదైనా డిగ్రీ పాసై ఉండాలి. ఈ రిక్రూట్‌మెంట్‌లో షార్ట్ సర్వీస్ కమిషన్ (ఎస్ఎస్సీ) ఆఫీసర్లుగా ఎంపికయ్యే వారికి 2025 ఏప్రిల్‌లో కోర్సు(NCC Special Entry) ప్రారంభం అవుతుంది. ఆఫీసర్స్‌ ట్రెయినింగ్‌ అకాడమీ చెన్నైలో 49 వారాల శిక్షణ ఉంటుంది. ట్రైనింగ్ టైంలో నెలకు రూ.56,100 చెల్లిస్తారు. శిక్షణ పూర్తయిన తర్వాత లెఫ్టినెంట్ హోదాలో పోస్టింగ్ లభిస్తుంది. వీరికి 6 నెలలపాటు ప్రొబేషన్ పీరియడ్ ఉంటుంది. నిర్ణీత పేస్కేలు ప్రకారం ఇతర అలవెన్సులు ఇస్తారు.
We’re now on WhatsApp. Click to Join
- డిగ్రీ చివరి సంవత్సరం చదువుతున్న వాళ్లు కూడా అప్లై చేయొచ్చు. ఎన్‌సీసీ సర్టిఫికెట్ తప్పకుండా ఉండాలి. శారీరక ప్రమాణాలు కూడా ఉండాలి. డిగ్రీలోని మూడు అకడమిక్‌ సంవత్సరాలు ఎన్‌సీసీ సీనియర్‌ డివిజన్‌ వింగ్‌లో కొనసాగి ఉండి.. ఎన్‌సీసీ-సి సర్టిఫికెట్‌లో కనీసం బి-గ్రేడ్‌ పొంది ఉన్నవారు అర్హులు.
- యుద్ధ ప్రమాదాల్లో గాయపడ్డ ఆర్మీ సిబ్బందికి కనీసం 50% మార్కులతో ఏదైనా డిగ్రీ పాసై ఉంటే చాలు. వారికి ఎన్‌సీసీ సర్టిఫికెట్ అవసరం లేదు.
- యుద్ధంలో మరణించిన ఆర్మీ ఉద్యోగుల పిల్లలకు ఎన్‌సీసీ-సి సర్టిఫికెట్ అవసరం లేదు.
Also Read :Buying A Flat : ఫ్లాట్ కొంటున్నారా ? ఈ వాస్తు టిప్స్ గుర్తుంచుకోండి
- విద్యార్హతలు, ఇతర అర్హతల ఆధారంగా అభ్యర్థులను షార్ట్‌లిస్టింగ్ చేస్తారు.
- ఈ ఉద్యోగాల కోసం షార్ట్‌లిస్ట్ చేసిన వారికి ఎస్ఎస్‌బీ ఇంటర్వ్యూ నిర్వహిస్తారు. స్టేజ్-1, స్టేజ్-2 పరీక్షలు ఉంటాయి.
- స్టేజ్-1లో ఫెయిలైన అభ్యర్థులను స్టేజ్-2కి ఎంపిక చేయరు.స్టేజ్-1లో ఎంపిక అయిన అభ్యర్థులకు స్టేజ్-2 ఎస్ఎస్‌బీ ఇంటర్వ్యూ ఉంటుంది. ఇందులో ఎంపికైన వారికి మెడికల్ టెస్ట్, సర్టిఫికెట్ వెరిఫికేషన్ ఉంటుంది.