సాయం కోరినందుకు ప్రయాణికురాలిని విమానం నుంచి దింపేసిన ఘటన ఢిల్లీలో జరిగింది. మీనాక్షి సేన్ గుప్తాకు క్యాన్సర్ (Cancer) శస్త్రచికిత్స జరిగింది. జనవరి 30న ఆమె ఢిల్లీ నుండి న్యూయార్క్ వెళ్లేందుకు అమెరికన్ ఎయిర్లైన్స్ లో టికెట్‌ బుక్‌ చేసుకున్నారు. ఆమెను వీల్ చైర్ లో విమానంలోకి తీసుకొచ్చారు. తన బ్యాగ్ క్యాబిన్ లో పెట్టాలని ఎయిర్హోస్టెస్ ను అడగగా ఆమె తిరస్కరించి, విమానం నుంచి దిగిపోవాలని కోరినట్లు మీనాక్షి చెప్పారు. ప్రస్తుతం మొత్తం వ్యవహారంపై విచారణ జరుగుతోంది.
సమాచారం ప్రకారం, ఈ సంఘటన జనవరి 30 న ఢిల్లీలోని ఐజిఐ విమానాశ్రయంలో జరిగింది. మీనాక్ష సేన్‌గుప్తా న్యూయార్క్‌కు విమానం ఎక్కారు. ఆమె క్యాన్సర్‌తో బాధపడుతున్నారు. కొంతకాలం క్రితం ఆపరేషన్ చేయించుకున్నారు. విమానాశ్రయానికి చేరుకుని విమానం చేరుకోవడానికి వీల్ చైర్ కావాలని అడిగారు. అక్కడ ఉన్న సిబ్బంది ఆమెకి విమానం చేరుకోవడానికి సహాయం చేసి సీటు దగ్గర బ్యాగ్ ఉంచారు. బలహీనత కారణంగా ఆమె తన బ్యాగ్‌ను క్యాబిన్‌లో ఉంచలేకపోయింది. కాబట్టి ఆమె తన బ్యాగ్‌ను సీటు పైన ఉన్న క్యాబిన్‌లో ఉంచమని ఎయిర్లైన్స్ సిబ్బందిని కోరింది. అయితే ఎయిర్హోస్టెస్ నిరాకరించింది.
Also Read: Deadly Earthquake: ఘోర విషాదం.. 95 మంది మృతి.. 200 మందికి గాయాలు
విమానం టేకాఫ్‌కి సిద్ధంగా ఉండగా ఎయిర్హోస్టెస్ ని మరోసారి తన బ్యాగ్‌ను పైన పెట్టమని కోరింది. కానీ ఎయిర్హోస్టెస్ నిరాకరించింది. మహిళ విమానంలోని ఇతర సిబ్బందికి ఫిర్యాదు చేయాలనుకున్నా.. వారు కూడా సహాయం చేయలేదు. దీంతో ఏ సమస్య వచ్చినా దిగిరావాలన్నారు. వారంతా కలిసి మహిళను విమానం నుంచి కిందకు దించారు. మహిళ ఫిర్యాదు సోషల్ మీడియాలో వైరల్‌గా మారింది. దీని తరువాత DGCA సంఘటనకు సంబంధించి అమెరికన్ ఎయిర్లైన్స్ నుండి నివేదికను కోరింది. మరోవైపు ఉద్యోగుల అవిధేయత వల్లే వారిని విమానం నుంచి దించేసినట్లు ఎయిర్లైన్స్ తెలిపింది. ఇది కాకుండా, ఆమెకి టిక్కెట్ మొత్తాన్ని తిరిగి ఇచ్చే ఆఫర్ కూడా ఇవ్వబడింది. విమానయాన సంస్థ కూడా తనదైన స్థాయిలో దర్యాప్తు చేస్తోంది.