Vice-Presidential Election: భారత ఉపరాష్ట్రపతి ఎన్నికలకు (Vice-Presidential Election) సంబంధించి కేంద్ర ఎన్నికల సంఘం (EC) కీలక అప్‌డేట్‌ను విడుదల చేసింది. ఉపరాష్ట్రపతి జగదీప్ ధన్‌ఖడ్ జూలై 21న రాత్రి తన పదవికి రాజీనామా చేయగా మరుసటి రోజు ఆయన రాజీనామా ఆమోదించారు. ఆరోగ్య కారణాలతోనే ఆయన ఈ నిర్ణయం తీసుకున్నట్లు సమాచారం. ఇప్పుడు ఎన్నికల సంఘం కొత్త ఉపరాష్ట్రపతిని ఎన్నుకోవడానికి ఎన్నికల ప్రక్రియను ప్రారంభించింది.
ఎన్నికల ప్రక్రియ ప్రారంభం- EC ప్రకటన
ఎన్నికల సంఘం విడుదల చేసిన ప్రెస్ నోట్‌లో.. “ఎన్నికల సంఘం ఇప్పటికే 2025 ఉపరాష్ట్రపతి ఎన్నికలకు సంబంధించిన అన్ని సన్నాహాలను ప్రారంభించింది. ఇప్పుడు త్వరలో దీనికి సంబంధించిన ఇతర సన్నాహాలు కూడా పూర్తి చేయబడతాయి. ఈ పదవి కోసం ఎన్నికలు ఎప్పుడు నిర్వహించబడతాయో దాని గురించి ప్రకటన చేయబడుతుంది” అని పేర్కొంది. గృహ మంత్రిత్వ శాఖ జూలై 22న ఉపరాష్ట్రపతి జగదీప్ ధన్‌ఖడ్ రాజీనామాకు సంబంధించిన నోటిఫికేషన్‌ను జారీ చేసింది. దీనిపై ఎన్నికల సంఘం స్పందిస్తూ “సంవిధానంలోని ఆర్టికల్ 324 ప్రకారం భారత ఉపరాష్ట్రపతి పదవి కోసం ఎన్నికలు నిర్వహించే అధికారం ఎన్నికల సంఘానికి ఉంది” అని స్పష్టం చేసింది.
Also Read: BCCI: జాతీయ క్రీడా పరిపాలన బిల్లు.. బీసీసీఐపై ప్ర‌భావం ఎంత?
ప్రారంభమైన సన్నాహాలు
భారత ఉపరాష్ట్రపతి ఎన్నికల నిర్వహణకు సంబంధించి కేంద్ర ఎన్నికల సంఘం (EC) కీలక సన్నాహాలను ప్రారంభించింది. ఉపరాష్ట్రపతి పదవి ఖాళీ అయిన నేపథ్యంలో వీలైనంత త్వరగా ఎన్నికలు నిర్వహించేందుకు ఎన్నికల సంఘం కసరత్తు చేస్తోంది.
రాజ్యసభ, లోక్‌సభ ఎన్నికైన, నామినేటెడ్ సభ్యుల పేర్ల ఖరారు: ఉపరాష్ట్రపతి ఎన్నికల్లో రాజ్యసభ, లోక్‌సభలోని ఎన్నికైన, నామినేటెడ్ సభ్యులు ఓటు వేస్తారు. ఈ ఓటర్ల జాబితాను ఖరారు చేసే ప్రక్రియను ఎన్నికల సంఘం చేపట్టింది.
రిటర్నింగ్ ఆఫీసర్, అసిస్టెంట్ రిటర్నింగ్ ఆఫీసర్ల పేర్లను ఖరారు చేయడం: ఎన్నికల ప్రక్రియను పర్యవేక్షించే రిటర్నింగ్ ఆఫీసర్, వారికి సహాయపడే అసిస్టెంట్ రిటర్నింగ్ ఆఫీసర్లను నియమించేందుకు వారి పేర్లను ఖరారు చేసే పని జరుగుతోంది. గత ఉపరాష్ట్రపతి ఎన్నికలలో అనుసరించిన విధానాలు, నిబంధనలు, ఇతర సంబంధిత సమాచారాన్ని సమీక్షించి, ప్రస్తుత ఎన్నికలకు అవసరమైన ప్రాథమిక విధివిధానాలను సిద్ధం చేసే పని పూర్తయింది.