Hemant Soren:జార్ఖండ్ సీఎం హేమంత్ సోరేన్ శాస‌న స‌భ్య‌త్వం ర‌ద్దు

Hemant Soren

జార్ఱండ్ ముఖ్య‌మంత్రి హేమంత్ సోరేశ్ శాస‌న స‌భ్య‌త్వం శుక్ర‌వారం ర‌ద్దైపోయింది. ఈ మేర‌కు ఆ రాష్ట్ర గ‌వ‌ర్న‌ర్ ర‌మేశ్ బ‌యాస్ శుక్ర‌వారం సోరేన్ శాస‌న స‌భ్య‌త్వాన్నిర‌ద్దు చేస్తూ ఉత్త‌ర్వులు జారీ చేశారు. ఈ ఉత్త‌ర్వుల విడుద‌ల‌తో ఈ క్ష‌ణం నుంచే హేమంత్ సోరేన్ స‌భ్య‌త్వం ర‌ద్దైపోయిన‌ట్లే. జార్ఖండ్‌కు సీఎంగా హేమంత్ కొన‌సాగినా… ఆ రాష్ట్ర అసెంబ్లీలో మాత్రం ఆయ‌న స‌భ్యుడిగా కొనసాగ‌లేరు.

త‌న‌కు తానుగా గ‌నులను కేటాయించుకున్న హేమంత్ సోరేన్‌పై విమ‌ర్శ‌ల వెల్లువ కురిసిన సంగ‌తి తెలిసిందే. ఈ క్ర‌మంలో హేమంత్ వ్య‌వ‌హార స‌ర‌ళిపై కేంద్ర ప్ర‌భుత్వానికి ఫిర్యాదు చేయ‌డం, ఆ ఫిర్యాదును కేంద్రం… ఎన్నిక‌ల సంఘానికి పంపడం, హేమంత్ శాస‌న స‌భ స‌భ్య‌త్వం ర‌ద్దుకు ఈసీ సిఫార‌సు చేయ‌డం, ఈసీ సిఫార‌సు ఆధారంగా హేమంత్ ఎమ్మెల్యే గిరీని ర‌ద్దు చేస్తూ గ‌వ‌ర్న‌ర్ నిర్న‌యం తీసుకోవ‌డం వేగంగా జ‌రిగిపోయింది. ఈ కీల‌క ప‌రిణామం త‌ర్వాత త‌న ప్ర‌భుత్వాన్ని కాపాడుకునేందుకు హేమంత్ సోరేన్ ఎలాంటి అడుగు వేస్తార‌న్న‌ది ఆస‌క్తిక‌రంగా మారింది.