Cryptocurrency: దేశంలో క్రిప్టోకరెన్సీల (Cryptocurrency) వాడకం, నియంత్రణపై కేంద్ర ప్రభుత్వం చర్యలు తీసుకుంటుందని కేంద్ర ఆర్థిక మంత్రిత్వ శాఖ సహాయ మంత్రి పంకజ్ చౌదరి తెలిపారు. పార్లమెంట్ వర్షాకాల సమావేశాల సందర్భంగా ఏలూరు ఎంపీ పుట్టా మహేష్ కుమార్ అడిగిన ప్రశ్నకు ఆయన లిఖితపూర్వక సమాధానం ఇచ్చారు.
ప్రస్తుత నియంత్రణ చర్యలు
కేంద్ర ప్రభుత్వం ఇప్పటి వరకు క్రిప్టోకరెన్సీల వినియోగంపై ప్రత్యేకంగా ఎలాంటి అధ్యయనం నిర్వహించనప్పటికీ, కొన్ని పరోక్ష చర్యలు తీసుకుందని మంత్రి వివరించారు. 2023 మార్చి 7న క్రిప్టోకరెన్సీలు లేదా వర్చువల్ డిజిటల్ ఆస్తులను మనీలాండరింగ్ నిరోధక చట్టం-2002 పరిధిలోకి కేంద్రం తీసుకువచ్చింది. వీటితో కూడిన లావాదేవీలకు ఆదాయపు పన్ను చట్టం-1961 కింద పన్నులు విధించబడుతున్నాయన్నారు. కొన్ని సందర్భాల్లో ఇన్ఫర్మేషన్ టెక్నాలజీ చట్టం-2000 కూడా వర్తిస్తుంది.
కంపెనీల ఆర్థిక నివేదికల్లో ప్రకటన: 2021లో మార్చి 24న జారీ చేసిన నోటిఫికేషన్ ద్వారా కంపెనీల చట్టం-2013లో మార్పులు చేసి, కంపెనీలు తమ ఆర్థిక నివేదికల్లో క్రిప్టో ఆస్తుల వివరాలను వెల్లడించాల్సిన అవసరం ఉందని స్పష్టం చేశారు.
Also Read: Stock Market : భారత స్టాక్ మార్కెట్లో పతనం.. సెన్సెక్స్, నిఫ్టీ డౌన్
భవిష్యత్తు, అంతర్జాతీయ సహకారం
ప్రస్తుతం కేంద్ర ప్రభుత్వం క్రిప్టో ఆస్తులను పన్నుల విధానం, మనీలాండరింగ్ చట్టం, కంపెనీల వివరాల ప్రకటనల ద్వారా పరోక్షంగా పర్యవేక్షిస్తోందని మంత్రి పేర్కొన్నారు. అయితే, వీటిని నేరుగా నియంత్రించడానికి అంతర్జాతీయ సహకారం అవసరం అని ఆయన స్పష్టం చేశారు. గతంలోనే రిజర్వ్ బ్యాంక్ ఆఫ్ ఇండియా (RBI) ఖాతాదారులను హెచ్చరిస్తూ సలహాలు జారీ చేసిందని పంకజ్ చౌదరి గుర్తు చేశారు.
క్రిప్టోకరెన్సీ అంటే ఏమిటి?
క్రిప్టోకరెన్సీ అనేది డిజిటల్ లేదా వర్చువల్ కరెన్సీ. ఇది భద్రత కోసం క్రిప్టోగ్రఫీని ఉపయోగిస్తుంది. ఇది వికేంద్రీకృత వ్యవస్థపై ఆధారపడి ఉంటుంది. అంటే ప్రభుత్వాలు లేదా బ్యాంకుల వంటి కేంద్ర అధికారం ద్వారా నియంత్రించబడదు. దీనికి బదులుగా ఇది బ్లాక్చెయిన్ అనే సాంకేతికతను ఉపయోగిస్తుంది. ఇది అన్ని లావాదేవీలను పారదర్శకంగా, మార్పు చేయలేని విధంగా రికార్డ్ చేస్తుంది.
కొన్ని ప్రసిద్ధ క్రిప్టోకరెన్సీలు
- బిట్కాయిన్ (Bitcoin): ఇది మొదటి మరియు అత్యంత ప్రసిద్ధ క్రిప్టోకరెన్సీ.
- ఎథీరియం (Ethereum): బిట్కాయిన్ తర్వాత అత్యంత విలువైన క్రిప్టోకరెన్సీ.
- రిపుల్ (Ripple)
- లైట్కాయిన్ (Litecoin)