Indians Serving In Russian Army: ప్రధాని మోదీ ప్రస్తుతం రష్యాలో ఉన్నారు. అధ్యక్షుడు వ్లాదిమిర్ పుతిన్ ఆహ్వానం మేరకు ప్రధాని మోదీ మాస్కో వెళ్లారు. ఈ సమావేశం అత్యంత కీలకంగా మార‌నుంది. కరోనా తర్వాత ప్రధాని మోదీ తొలిసారి రష్యా వెళ్లారు. ఈ క్రమంలో రష్యా పర్యటనలో ఉన్న ప్రధాని నరేంద్ర మోదీ.. రష్యా ఆర్మీలో (Indians Serving In Russian Army) పనిచేస్తున్న భారతీయులను స్వదేశానికి రప్పించే అంశాన్ని అధ్యక్షుడు వ్లాదిమిర్ పుతిన్ వద్ద ప్రస్తావించారు. అంతేకాకుండా అధ్యక్షుడు పుతిన్.. భారతీయులు త్వరలో దేశానికి తిరిగి వస్తారని ప్రధాని మోదీకి చెప్పారు.
వాస్తవానికి రష్యా సైన్యంతో పాటు ఉక్రెయిన్‌పై పోరాడటానికి భారతీయ సైనికుల‌ను బ‌ల‌వంతంగా తీసుకెళ్తున్నార‌ని మునుపటి నివేదికలు వెల్లడించాయి. భద్రతా సహాయకులుగా పని చేసేందుకు భారతీయులను మోసపూరితంగా సరిహద్దులకు పంపుతున్నారని నివేదికలు వ‌చ్చాయి. నవంబర్ 2023 నుండి రష్యా-ఉక్రెయిన్ సరిహద్దులో దాదాపు 18 మంది భారతీయులు చిక్కుకుపోయారని ఒక ఏజెంట్ సమాచారం ఇచ్చారని హిందూ తన నివేదికలో పేర్కొంది. ఈ సమయంలో ఒకరు మరణించారు కూడా. ఉత్తరప్రదేశ్‌, గుజరాత్‌, పంజాబ్‌, జమ్మూకశ్మీర్‌కు చెందిన అనేక మంది యువకులు కూడా ఈ యుద్ధంలో చిక్కుకున్నారని నివేదికలు వ‌చ్చిన విష‌యం తెలిసిందే.
Also Read: Koil Alwar Thirumanjanam: తిరుమల శ్రీవారి ఆలయంలో శాస్త్రోక్తంగా కోయిల్ ఆళ్వార్ తిరుమంజనం!
#WATCH | Visuals of PM Narendra Modi and Russian President Vladimir Putin in Novo-Ogaryovo
(Source: Russia in India Twitter handle) pic.twitter.com/toefzIyq7c
— ANI (@ANI) July 8, 2024
రష్యా అధ్యక్షుడు వ్లాదిమిర్ పుతిన్ సోమవారం (జూలై 8) రాత్రి నోవో-ఒగారియోవోలోని తన అధికారిక నివాసంలో ప్రధాని నరేంద్ర మోదీకి ఘనస్వాగతం పలికారు. దేశ ప్రగతికి మోదీ చేస్తున్న కృషిని కొనియాడారు. ఆ తర్వాత పుతిన్ తన ఎలక్ట్రిక్ కారులో మోదీని రష్యా అధ్య‌క్షుడి భ‌వ‌నానికి తీసుకెళ్లారు.
We’re now on WhatsApp : Click to Join
ప్రభుత్వానికి అసదుద్దీన్ ఒవైసీ లేఖ రాశారు
రష్యా, ఉక్రెయిన్ మధ్య జరుగుతున్న యుద్ధంలో హైదరాబాద్‌కు చెందిన ఓ యువకుడు కూడా చిక్కుకున్నాడు. ఆ యువకుడు సోషల్ మీడియా ద్వారా సహాయం కోసం భారత ప్రభుత్వానికి విజ్ఞప్తి చేశాడు. దీంతో బాధిత కుటుంబం ఏఐఎంఐఎం ఎంపీ అసదుద్దీన్ ఒవైసీని సంప్రదించింది. ఈ మేరకు జనవరి 25న విదేశాంగ మంత్రి ఎస్‌ జైశంకర్‌, మాస్కోలోని భారత రాయబార కార్యాలయానికి ఒవైసీ లేఖ రాశారు. ఇందులో ఆ యువకుడు భార‌త్ తిరిగి రావడానికి ప్రభుత్వం జోక్యం చేసుకోవాలని కోరారు.