Vibrant Gujarat Summit: వైబ్రాంట్ గుజరాత్ గ్లోబల్ సమ్మిట్ ప్రారంభమైంది.ఈరోజు జనవరి 10న గాంధీనగర్లోని మహాత్మా మందిర్లో ప్రధాని నరేంద్ర మోడీ సమ్మిట్ ను ప్రారంభించారు. కరోనా మహమ్మారి కారణంగా 2021 ఎడిషన్ రద్దయింది. జనవరి 10-12 వరకు జరిగే సమ్మిట్ థీమ్ ఏంటంటే ‘గేట్వే టు ది ఫ్యూచర్.’ ఈ సమ్మిట్లో 34 భాగస్వామ్య దేశాలు మరియు 16 భాగస్వామ్య సంస్థలు పాల్గొంటున్నాయి, ఇందులో అనేక దేశాలకు చెందిన ఎమ్ఎన్సిల అధ్యక్షులు, ప్రధానమంత్రులు మరియు సీఈఓ లతో సహా ప్రముఖ ప్రపంచ నాయకులు సమ్మిట్ కు హాజరవుతున్నారు.
అదానీ గ్రూప్ చైర్మన్ గౌతమ్ అదానీ సమ్మిట్లో కీలకోపన్యాసం చేస్తూ ప్రధాని నరేంద్ర మోదీ అంతర్జాతీయ నాయకత్వాన్ని ప్రశంసించారు మరియు భవిష్యత్తును అంచనా వేయడమే కాకుండా దానిని రూపొందించడంలో ఆయన సామర్థ్యాన్ని కొనియాడారు. మోడీ సోలార్ అలయన్స్ విషయంలో చొరవ మరియు G20 ప్లాట్ఫారమ్లో అతని ప్రభావవంతమైన పాత్రను అదానీ ప్రశంసించారు. 2047 నాటికి భారతదేశాన్ని పూర్తిగా అభివృద్ధి చెందిన దేశంగా మార్చడానికి భారతదేశ యువతను ఉపయోగించుకోవడంలో పిఎం మోడీ దూరదృష్టిని అదానీ కొనియాడారు. ప్రధాని భవిష్యత్తును అంచనా వేయడమే కాకుండా దానిని తీర్చిదిద్దడంలో మోదీ సామర్థ్యాన్ని ప్రశంసించారు.
2014 నుండి, భారతదేశ GDP 185% పెరిగింది మరియు తలసరి ఆదాయం అద్భుతమైన 165% పెరిగింది. ముఖ్యంగా ఈ దశాబ్దపు భౌగోళిక రాజకీయ వైరుధ్యాలు మరియు మహమ్మారి సవాళ్లను పరిగణనలోకి తీసుకుంటే ఈ విజయం అసమానమైనదిగా అదానీ చెప్పారు. 2025 నాటికి 55,000 కోట్లు పెట్టుబడికి కట్టుబడి ఉన్నానని అదానీ అన్నారు. ఇప్పటికే వివిధ రంగాలలో 50,000 కోట్లు మరియు ప్రత్యక్షంగా మరియు పరోక్షంగా 25,000 ఉద్యోగాల మా లక్ష్యాన్ని అధిగమించానని తెలిపారు. వచ్చే ఐదేళ్లలో అదానీ గ్రూప్ గుజరాత్లో రెండు లక్షల కోట్లు అంటే 25 బిలియన్ డాలర్లు పెట్టుబడికి సిద్ధంగా ఉంది. తద్వారా 100,000 ప్రత్యక్ష మరియు పరోక్ష ఉద్యోగాలు లభిస్తాయన్నారు.
Also Read: Target 400 : విపక్షల ఎంపీలపై బీజేపీ ఆకర్ష్ మిషన్.. ‘జాయినింగ్ కమిటీ’ ఏర్పాటు