Nutrients for Women : మహిళలు ఈ పోషకాలు తీసుకోవాలి..!

మహిళల (Women) కు పోషకాల అవసరం ఎక్కువ.

మహిళలకు పోషకాల (Nutrients for Women) అవసరం ఎక్కువ. మరీ ముఖ్యంగా కొన్ని శరీర జీవక్రియల కోసం కొన్ని కీలక పోషకాల (Nutrients) లోపం ఏర్పడకుండా చూసుకోవాలి.

ఐరన్‌: శక్తి భాండాగారమిది. శరీరమంతా ఆక్సిజన్‌ (Oxygen) ప్రసారానికి ఈ పోషకం అవసరం. రోగనిరోధకశక్తి (Immunity)కి దన్నుగా ఉండి, కండరాల పనితీరును క్రమపరిచే ఐరన్‌ లోపం ఏర్పడకుండా చూసుకోవాలి. ఇందుకోసం ఆకుకూరలు, మాంసాహారం సరిపడా తీసుకుంటూ ఉండాలి.

బయోటిన్‌: చర్మం (Skin), వెంట్రుకలు (Hair), గోళ్ల ఆరోగ్యానికి ఈ పోషకం అవసరం. నాడుల పనితీరు మెరుగ్గా ఉండాలన్నా, జీర్ణ వ్యవస్థ, గుండె(heart) పనితీరు సక్రమంగా సాగాలన్నా, మెటబాలిజం సమర్ధంగా ఉండాలన్నా బయోటిన్‌ సమృద్ధిగా ఉండే గుడ్లు, చిక్కుళ్లు, నట్స్‌, సీడ్స్‌, చిలకడ దుంపలు, మష్రూమ్స్‌ తింటూ ఉండాలి.

మెగ్నీషియం: గుండె ఆరోగ్యాన్ని మెరుగుపరుస్తుంది. భావోద్వేగాలను అదుపులో ఉంచుతుంది. నెలసరి నొప్పులను తగ్గిస్తుంది. కండరాల బలహీనతను తొలగిస్తుంది. కాబట్టి మెగ్నీషియంతో కూడిన అరటిపండ్లు, అవకాడొ, పాలకూర, గుమ్మడి విత్తనాలు, సబ్జా గింజలు, బాదం, జీడిపప్పు, సోయా తింటూ ఉండాలి.

బి12: మెదడు సక్రమ పనితీరుకు బి12 అవసరం. నాడీ వ్యవస్థ మెరుగ్గా ఉండాలన్నా, రక్తకణాల సంఖ్య పెరిగి, శక్తి సమకూరాలన్నా బి12 దొరికే మాంసాహారం, పాల ఉత్పత్తులు సరిపడా తీసుకుంటూ ఉండాలి.

క్యాల్షియం: ఎముకల పటుత్వానికి క్యాల్షియం అవసరం. గుండె, నాడులు, కండరాల పనితీరుకు తోడ్పడే క్యాల్షియం కోసం పాల ఉత్పత్తులు, నువ్వులు తీసుకుంటూ ఉండాలి.

విటమిన్‌ డి: మెదడు, కండరాలు, ఇమ్యూనిటీలకు విటమిన్‌ డి అవసరం. ఈ విటమిన్‌ కోసం గుడ్లు, చేపలు, పాలు, నారింజ రసం, జున్ను, సోయా తీసుకుంటూ ఉండాలి.

Also Read:  Childs Bones : మీ పిల్లల ఎముకలు స్ట్రాంగ్ కావాలా? అయితే ఈ ఫుడ్స్ ఇవ్వండి..