Blood Purify Foods : వాహ‌నాల‌కు ఇంధ‌నం ఎంత ముఖ్య‌మో, మ‌న శ‌రీరానికి ర‌క్తం అంతే ముఖ్యం. ఇది శ‌రీరంలో శ‌క్తిని, పోష‌కాల‌ను అందించ‌డం త‌ప్ప అద‌నంగా అవ‌య‌వాల‌ను శుభ్ర‌ప‌రిచే బాధ్యత‌ను కూడా నిర్వర్తిస్తుంది. కానీ రోజూ తినే ఆహారం, తాగే ద్ర‌వాలు, జీవ‌న‌శైలి వ‌ల్ల ర‌క్తంలో విష ప‌దార్థాలు పేరుకుపోతుంటాయి. ఈ విషప‌దార్థాలు శ‌రీరాన్ని నెమ్మదిగా కలుషితం చేస్తూ అనేక ఆరోగ్య స‌మ‌స్య‌ల‌కు దారితీస్తాయి. అందుకే, రక్తాన్ని శుద్ధి చేసే ఆహారాలు తప్పనిసరిగా తీసుకోవాలి అని వైద్య నిపుణులు హెచ్చ‌రిస్తున్నారు.
ఆకుకూర‌లు: ప్రకృతి బ‌లాన్ని పంచేవి
పాల‌కూర, కొత్తిమీర, పుదీనా వంటి ఆకుకూర‌ల‌లో క్లోరోఫిల్ అధికంగా ఉంటుంది. ఇది ర‌క్తంలో పేరుకుపోయే టాక్సిన్ల‌ను బయటకు పంపి రక్తాన్ని శుభ్ర‌ప‌రిస్తుంది. అంతేకాదు, వీటిలో ఉండే యాంటీ ఆక్సిడెంట్లు ఆక్సీక‌ర‌ణ ఒత్తిడిని తగ్గించి, క‌ణాల‌ను ర‌క్షిస్తాయి. ఆకుకూర‌ల్లో ఉండే ఫైబ‌ర్ శ‌రీరంలో పేరుకుపోయే వ్య‌ర్థాల‌ను బయటకు పంపించడంలో కీల‌క పాత్ర పోషిస్తుంది.
బీట్రూట్: ర‌క్త‌శుద్ధికి సహ‌జ ఆయుధం
బీట్‌రూట్‌ను రోజూ ఆహారంలో చేర్చుకుంటే, అది ర‌క్తంతోపాటు లివర్, కిడ్నీల‌ను కూడా శుభ్రం చేస్తుంది. బీట్‌రూట్‌లో ఉండే బీటాలెయిన్స్, నైట్రేట్లు వాపు, ఇన్‌ఫ్ల‌మేషన్‌ను త‌గ్గించ‌డం ద్వారా ర‌క్త ప్రస‌ర‌ణ‌ను మెరుగుప‌రుస్తాయి. బీట్రూట్ జ్యూస్‌ను తీసుకోవ‌డం కూడా ఇదే రీతిలో ఉపయోగ‌క‌రం.
వెల్లుల్లి: సహ‌జ డిటాక్సిఫ‌య‌ర్‌
వెల్లుల్లిలో ఉండే ఆల్లిసిన్ అనే ర‌సాయ‌నం శ‌రీరంలో పేరుకుపోయే హానిక‌ర వ్య‌ర్థాల‌ను బయటకు పంపించ‌డం ద్వారా రక్తాన్ని శుద్ధి చేస్తుంది. ఇది లివర్, కిడ్నీల‌ను కూడా శుభ్రంగా ఉంచుతుంది. అంతేకాదు, దీని యాంటీ మైక్రోబియ‌ల్‌, యాంటీ ఇన్‌ఫ్లామేట‌రీ గుణాలు శ‌రీర రోగ నిరోధ‌క వ్య‌వ‌స్థ‌ను ప‌టిష్టం చేస్తాయి.
ప‌సుపు: ప్రతి వంట్లో ఆరోగ్య రహస్యం
ప‌సుపులో ఉండే క‌ర్‌క్యుమిన్ శ‌క్తివంత‌మైన యాంటీ ఆక్సిడెంట్. ఇది శ‌రీరంలో వాపులను తగ్గించి లివ‌ర్‌ను శుభ్రంగా ఉంచుతుంది. శ‌రీరాన్ని డిటాక్స్ చేయ‌డం ద్వారా ర‌క్తంలోని టాక్సిన్ల‌ను తొల‌గిస్తుంది.
బెర్రీ పండ్లు: రుచికి తోడు ర‌క్తానికి శుభ్రత
స్ట్రాబెర్రీలు, బ్లూబెర్రీలు, క్రాన్‌బెర్రీలు వంటి బెర్రీల‌లో యాంటీ ఆక్సిడెంట్లు అధికంగా ఉంటాయి. ఇవి ర‌క్త నాళాల‌ను ఆరోగ్యంగా ఉంచి రక్తాన్ని శుద్ధి చేస్తాయి. మూత్రాశ‌యం, కిడ్నీలు, లివర్ వంటి అవ‌య‌వాల‌ను కూడా ఇవి శుభ్రంగా ఉంచుతాయి.
నిమ్మ‌జాతి పండ్లు: విట‌మిన్ సి శ‌క్తివంత‌మైన మార్గం
నిమ్మ‌కాయ, ముసుమ్మ వంటి నిమ్మ‌జాతి పండ్ల‌లో విట‌మిన్ సి అధికంగా ఉంటుంది. ఇది శ‌క్తివంత‌మైన యాంటీ ఆక్సిడెంట్‌గా ప‌నిచేస్తూ ర‌క్తంలోని విషప‌దార్థాల‌ను తొల‌గిస్తుంది. ఈ పండ్ల‌ను తిన‌డం లేదా ర‌సాన్ని తాగ‌డం వ‌ల్ల శ‌రీరం త్వ‌ర‌గా డిటాక్స్ అవుతుంది. శ‌రీరం ఆరోగ్యంగా ఉండాలంటే ర‌క్తం శుద్ధి కావ‌డం అత్యంత కీలకం. రోజూ తినే ఆహార‌మే రక్తాన్ని శుభ్రంగా ఉంచే ఔష‌ధంగా మార‌చ్చు. ఆకుకూర‌లు, బీట్రూట్, వెల్లుల్లి, ప‌సుపు, బెర్రీలు, నిమ్మ‌జాతి పండ్లు వంటి వాటిని త‌ర‌చూ ఆహారంలో చేర్చ‌డం ద్వారా మీరు ఆరోగ్యాన్ని పున‌రుద్ధ‌రించ‌గలుగుతారు. శుద్ధమైన రక్తంతో శ‌రీరం ఆరోగ్యంగా, బలంగా, వ్యాధుల‌కు దూరంగా ఉంటుంది.