Water Fasting: ఊబకాయం నేటి కాలంలో పెద్ద, తీవ్రమైన సమస్య. స్థూలకాయం వల్ల మీ శరీరం అసహ్యంగా కనిపించడమే కాకుండా అనేక తీవ్రమైన వ్యాధులను కూడా కలిగిస్తుంది. ఇటువంటి పరిస్థితిలో పెరుగుతున్న ఊబకాయాన్ని నియంత్రించడం చాలా ముఖ్యం. అయితే బరువు తగ్గడం అనేది ఒక సవాలుతో కూడిన పని. దీని కోసం ప్రజలు జిమ్‌లో గంటల తరబడి చెమటలు పట్టిస్తారు. కఠినమైన బరువు తగ్గించే ఆహారాన్ని కూడా అనుసరిస్తారు.
ఇటీవల కోస్టారికా నివాసి అయిన ఎడిస్ మిల్లర్ తన బరువు తగ్గించే రహస్యాల కారణంగా సోషల్ మీడియాలో చాలా వైరల్ అవుతున్నాడు. వాస్తవానికి తక్కువ సమయంలో ఎక్కువ బరువు తగ్గడానికి ఎడిస్ మిల్లర్ ఒక సులభమైన మార్గాన్ని అనుసరించి వార్తల్లో నిలిచాడు. కేవలం 21 రోజులు నీరు మాత్రమే తాగడం వల్ల 13 కిలోల బరువు తగ్గినట్లు అడిస్ మిల్లర్ పేర్కొన్నాడు.
ఈ పద్ధతి ఏమిటి?
బరువు తగ్గించే ఈ పద్ధతిని వాటర్ ఫాస్టింగ్ (Water Fasting) అని కూడా పిలుస్తారు. ఇది వేగవంతమైన బరువు తగ్గడంలో చాలా ప్రయోజనకరంగా ఉంటుందని రుజువు చేస్తుంది. అయితే బరువు తగ్గించే ఈ పద్ధతి మీకు ఎంత సురక్షితమైనదో తెలుసుకోవడం చాలా ముఖ్యం. దాని గురించి తెలుసుకుందాం!
వాటర్ ఫాస్టింగ్ అంటే ఏమిటి?
ఆరోగ్య నిపుణుల అభిప్రాయం ప్రకారం.. వాటర్ ఫాస్ట్ అనేది నిర్ణీత కాలానికి నీటిని మాత్రమే తాగడం. ఈ సమయం 24 గంటల నుండి చాలా వారాల వరకు ఉంటుంది. అడిస్ మిల్లర్ విషయంలో ఈ వ్యవధి 21 రోజులు. ఇది శరీరాన్ని డిటాక్సిఫై చేస్తుందని, జీర్ణక్రియను మెరుగుపరుస్తుందని, మానసిక స్పష్టతను తెస్తుందని నిపుణులు పేర్కొన్నారు. ఇది మాత్రమే కాదు.. కొన్ని అధ్యయనాలు బరువును తగ్గించగలవని, ఇన్సులిన్ సెన్సిటివిటీని మెరుగుపరుస్తాయని కూడా చూపిస్తున్నాయి.
వాటర్ ఫాస్టింగ్ ఎంత సురక్షితం?
ఏదైనా ఆహారాన్ని అనుసరించే ముందు ఆరోగ్య నిపుణులను సంప్రదించడం చాలా ముఖ్యం. మీరు బరువు తగ్గడానికి ఈ పద్ధతిని అనుసరించాలనుకుంటే ముందుగా మీ వైద్యుడిని సంప్రదించండి. ఎందుకంటే నీటి ఉపవాసం సమయంలో శరీరం పోషకాహార లోపంతో బాధపడవచ్చు. దీని కారణంగా బలహీనత, అలసట, తలనొప్పి, కడుపు నొప్పి వంటి సమస్యలను ఎదుర్కోవలసి ఉంటుంది.
We’re now on WhatsApp : Click to Join
అంతేకాకుండా దీర్ఘకాలిక నీటి ఉపవాసం, తరచుగా నీటి ఉపవాసం కండరాల నష్టం, ఎముకలు బలహీనపడటం, గుండె సమస్యలు, ప్రాణాలకు కూడా ప్రమాదానికి దారితీస్తుంది. అందువల్ల మొదట వైద్యుడిని సంప్రదించండి. తర్వాత మాత్రమే ఏదైనా చర్య తీసుకోండి.
వాటర్ ఫాస్టింగ్‌ను వీరు చేయ‌కూడ‌దు
- గర్భిణీ స్త్రీలు
- పాలిచ్చే స్త్రీలు
- మధుమేహ రోగులు
- వివిధ రుగ్మతలతో బాధపడుతున్న వ్యక్తులు
- తక్కువ బరువు ఉన్నవారు నీటి ఉపవాసం మానుకోవాలి