Foods Avoid With Eggs: గుడ్లను సూపర్‌ఫుడ్ అంటారు. అయితే గుడ్లతో కలిపి తినకుండా ఉండాల్సిన కొన్ని ప‌దార్థాలు ఉన్నాయని మీకు తెలుసా? గుడ్లు కొన్ని ప‌దార్థాలు (Foods Avoid With Eggs) కలిపి తింటే అనారోగ్యానికి గురవుతారు? కోడిగుడ్లు ఏ ప‌దార్థాల‌తో కలిపి తిన‌కూడ‌దో ఇప్పుడు తెలుసుకుందాం.
సోయా బీన్ మిల్క్
సోయా బీన్ మిల్క్ లో కూడా పుష్కలంగా ప్రొటీన్లు ఉంటాయి. సోయా మిల్క్‌ను గుడ్లతో కలిపి తీసుకోవడం వల్ల శరీరంలో ప్రొటీన్లు అధికం కావ‌డంతో జీర్ణ సమస్యలు తలెత్తుతాయి. ఇది కాకుండా ఈ రెండింటి కాంబినేష‌న్‌ శరీరంలో ప్రోటీన్ శోషణకు ఆటంకం కలిగిస్తుంది.
టీ
గుడ్డు- టీ తాగడం ఒక సాధారణ అలవాటు. కానీ అది మీ ఆరోగ్యానికి హానికరం. టీలో ఉండే టానిన్ ప్రొటీన్ల శోషణను అడ్డుకుంటుంది. ఎగ్.. టీ తాగడం వల్ల శరీరంలో ప్రోటీన్ శోషణ తగ్గుతుంది. ఇది పోషకాల లోపానికి దారితీస్తుంది.
నిమ్మకాయ
నిమ్మకాయలో విటమిన్ సి పుష్కలంగా ఉంటుంది. అయితే నిమ్మకాయను గుడ్డుతో కలిపి తీసుకుంటే జీర్ణ సమస్యలు వస్తాయి. నిమ్మకాయ ఆమ్లత్వం గుడ్డు ప్రోటీన్‌ను జీర్ణం చేయడం కష్టతరం చేస్తుంది.
Also Read: Champions Trophy Final: ఛాంపియన్స్ ట్రోఫీ ఫైనల్‌కు ఐసీసీ రెండు వేదికలను ఎందుకు ప్రకటించింది?
మాంసం
గుడ్లు, మాంసం రెండూ ప్రోటీన్ మంచి వనరులు. కానీ రెండింటినీ కలిపి తినడం వల్ల జీర్ణవ్యవస్థపై ఒత్తిడి పెరుగుతుంది. దీని వల్ల అపానవాయువు, గ్యాస్, మలబద్ధకం వంటి సమస్యలు వస్తాయి.
అర‌టిపండు
అరటిపండులో అధిక మొత్తంలో పొటాషియం ఉంటుంది. అరటిపండును గుడ్లతో కలిపి తినడం వల్ల శరీరంలోని పొటాషియం, కాల్షియం నిష్పత్తికి భంగం కలుగుతుంది. ఇది ఎముకల ఆరోగ్యానికి హానికరం.
చక్కెర
గుడ్లు, చక్కెర కలిపి తినడం ద్వారా విడుదలయ్యే అమైనో ఆమ్లాలు శరీరానికి విషపూరితం కావచ్చు. దీని కారణంగా రక్తంలో గడ్డకట్టడం కూడా ఏర్పడుతుంది. గుడ్డు వేడి స్వభావాన్ని కలిగి ఉంటుంది. కాబట్టి కడుపు నొప్పి స‌మ‌యంలో కూడా గుడ్లు తినకూడదు. అంతేకాకుండా గుడ్లను అధికంగా తింటే ప‌లు సమస్యలు వ‌స్తాయ‌ని ఆరోగ్య నిపుణులు చెబుతున్నారు.