మీరు చలికాలంలో మిల్లెట్, మొక్కజొన్న రొట్టెలను తింటూ ఉంటారు.. కానీ వేసవి కాలంలో (Summer) వాటిని తినలేరు. అందువల్ల వేసవి కాలంలో (Summer) మీ శరీరాన్ని చల్లగా ఉంచడంలో సహాయపడే పిండి రొట్టెలను మీరు మీ ఆహారంలో చేర్చుకోవాలి. వేసవి కాలం వచ్చేసింది. ఇక వేడి పెరుగుతుంది. అటువంటి పరిస్థితిలో మన శరీరాన్ని చల్లగా ఉంచుకోవడం అవసరం. మీ కడుపు, శరీరాన్ని చల్లగా ఉంచే ఫుడ్స్ ను మనం తీసుకోవాలి.
గోధుమ పిండి:
రోటీ అనేది ప్రతి ఇంట్లో కనీసం రోజూ రెండు సార్లు తయారు చేసే ఆహారం. వేసవిలో మాత్రమే గోధుమ పిండిని వాడండి. శరీరాన్ని చల్లగా ఉంచడంలో ఇది సహాయపడుతుంది.
శనగ పిండి:
శనగపిండి ప్రోటీన్ రిచ్ ఫుడ్. ఇది మీ శరీరాన్ని చల్లగా ఉంచడంలో సహాయపడుతుంది. ఆరోగ్యానికి కూడా చాలా ఉపయోగకరంగా ఉంటుంది.
బార్లీ పిండి:
పొట్ట చల్లగా ఉండేందుకు చాలామందికి బార్లీ నీటిని తీసుకుంటారు. బార్లీ వాటర్ లాగా, దాని పిండి కూడా శరీరాన్ని చల్లబరుస్తుంది. దీని వినియోగం మధుమేహం, క్యాన్సర్ రోగులకు కూడా ఉపయోగకరంగా ఉంటుంది. అందుకే వేసవిలో ఈ పిండితో చేసిన రోటీలను తినండి.
జొన్న పిండి:
బార్లీలాగే, జొన్న కూడా ఆరోగ్యానికి మేలు చేస్తుంది. జొన్న పిండి మనకు చలువ చేస్తుంది. కఫం తగ్గిస్తుంది. బరువును తగ్గించడంలో, అలసటను తొలగించడంలో హెల్ప్ చేస్తుంది.
ఇతర వెరైటీ రోటీలు:
తాలిపీఠ్ రోటీ: సజ్జపిండి, జొన్నపిండి కలిపి ఈ రొట్టెలను తయారు చేస్తారు. ఇలాంటి రొట్టెలను మహారాష్ట్రలో ఎక్కువగా చేసుకుంటారు. నెయ్యి పూసి చేస్తే చాలా రుచిగా ఉంటాయి.
అక్కి రోటీ: ఈ రొట్టెలు కర్ణాటకలో చాలా ప్రసిద్ది. ఇక్కడ అక్కి అంటే బియ్యం. ఈ రోటీని బియ్యప్పిండితో తయారుచేస్తారు. బియ్యంపిండిలో తురిమిన కూరగాయలు, మసాలా దినుసులు కలిపి కూడా ఈ రొట్టె చేయవచ్చు. కూర లేకపోయినా తినేయొచ్చు.
Also Read: Samsung Fake Moon Shots: శాంసంగ్ ఫేక్ మూన్ షాట్స్.. ఏమిటి? శాంసంగ్ ఏం చెప్పింది?