చలికాలం వచ్చిందంటే.. చాలా మందికి చేతులు, ముఖ్యంగా కాలి వేళ్లు లేదా మధ్యలో వాపు, దురద వస్తుంది. ఈ పరిస్థితిని చిల్బ్లెయిన్స్ అంటారు నిపుణులు. ఇది తరచుగా తీవ్రమైన చలికి గురికావడం వల్ల వస్తుంది. మీరు చలికాలంలో ఈ సమస్యను ఎదుర్కొంటుంటే.. ఆందోళన చెందాల్సిన అవసరం లేదు. ప్రముఖ డైటీషియన్ ఈ పరిస్థితిని నివారించడానికి కొన్ని సింపుల్ చిట్కాలు చెప్పారు. ఆ చిట్కాలేంటో ఇప్పుడు చుద్దాం.
చలికాలంలో రోజు రోజుకి ఉష్ణోగ్రతలు తగ్గుముఖం పడుతున్నాయి. శీతాకాలం చాలా ఆహ్లాదకరంగా ఉంటుంది. అయితే, ఈ సీజన్ ఆహ్లాదకరంగా ఉండటంతో పాటు అనేక అనారోగ్యాల్ని తీసుకువస్తుంది. శీతాకాలంలో చిల్బ్లెయిన్స్ సమస్య చాలా మందిని వేధిస్తుంది. చిల్బ్లెయిన్స్ అంటే ఏదో అనుకోకండి. చేతి, కాలి వేళ్లు ఎర్రగా మారడం, వేళ్ల మధ్య దురద, మంట అనిపించడం. ఈ పరిస్థితి ఇబ్బందికరంగా ఉంటుంది.
చలి పెరిగేకొద్దీ ఈ పరిస్థితి తీవ్రంగా ఉంటుంది. చిల్బ్లెయిన్స్ దురద, ఎర్రటి మచ్చలు, చేతులు, కాళ్ళపై వాపుకు కారణమవుతాయి. ఇది నయం కావడానికి 2-3 వారాలు పడుతుంది. శీతాకాలంలో ఈ సమస్య చాలా ఇబ్బందికరంగా ఉంటుంది. ఈ సమస్యతో బాధపడుతున్నవారికి ప్రముఖ డైటీషియన్ లవ్లీన్ కౌర్ కొన్ని చిట్కాల్ని షేర్ చేశారు. ఈ చిట్కాలు సులభంగా ఉంటాయి. వీటిని పాటిస్తే సులభంగా చిల్బ్లెయిన్స్ సమస్యను తగ్గించుకోవచ్చు. ఆ పూర్తి వివరాలపై ఓ లుక్కేద్దాం.
చిల్బ్లెయిన్స్ కారణాలేంటి?
చలి వాతావరణంలో కాలి వేళ్లు, చేతి వేళ్లలోని రక్త నాళాలు సంకోచించి.. సరైన రక్త ప్రసరణకు ఆటంకం కలిగించినప్పుడు చిల్బ్లెయిన్స్ వస్తాయని ఎక్స్పర్ట్ డైటీషియన్ లవ్లీన్ కౌర్ అంటున్నారు. మీరు వెచ్చని వాతావరణంలోకి వచ్చినప్పుడు, ఈ రక్త నాళాలు మళ్లీ విస్తరిస్తాయి. దీని వలన దురద, ఎరుపు, వాపు సమస్యలు ఇంకా ఎక్కువ అవుతాయని ఆమె హెచ్చరిస్తున్నారు.
చిల్బ్లెయిన్స్ ప్రమాదాన్ని పెంచే విషయాలు
- చల్లిని వాతావరణం: చల్లిని, తేమతో కూడిన ప్రదేశాలకు గురికాడం వల్ల చిల్బ్లెయిన్స్ వచ్చే అవకాశాలు పెరుగుతాయి.
- రక్త ప్రసరణ సరిగా లేకపోవడం: శరీరంలో సరైన రక్త ప్రసరణ లేకపోతే.. చిల్బ్లెయిన్స్ సమస్య రావచ్చు.
- సున్నితమైన చర్మం: చాలా మంది సున్నితమైన చర్మంతో బాధపడతారు. అలాంటివారికి ఈ సమస్య వచ్చే ప్రమాదం ఎక్కువగా ఉంటుంది
- బిగుతుగా ఉండే దుస్తులు: బిగుతుగా ఉండే షూస్, చేతి గ్లౌవ్స్ ధరించడం వల్ల చేతులు, కాళ్ళలో రక్త ప్రసరణ దెబ్బతింటుంది. ఇది చిల్బ్లెయిన్స్ ప్రమాదాన్ని పెంచుతుంది.
- ధూమపానం: స్మోకింగ్ రక్త నాళాల్ని మంరిత కుంచించుకుపోయేలా చేస్తుంది. చిల్బ్లెయిన్స్ ప్రమాదాన్ని పెంచుతుంది.
రాక్ సాల్ట్ నీటిని ట్రై చేయండి
చిల్బ్లెయిన్స్ చికిత్సకు మీరు రాతి ఉప్పును ఉపయోగించవచ్చు. దీని కోసం, ఒక టబ్లో గోరువెచ్చని నీటిని నింపి.. రాతి ఉప్పును వేసి పాదాల్ని, చేతుల్ని అందులో ఉంచండి. ఉప్పు వాపును తగ్గించడంలో సాయపడుతుంది. ఇది నొప్పిని తగ్గించడంలో కూడా సాయపడుతుంది. ఇంకా, రాతి ఉప్పులో యాంటీ బాక్టీరియల్ లక్షణాలు ఉన్నాయి. ఇవి చిల్బ్లెయిన్స్ ప్రమాదాన్ని తగ్గించడంలో సాయపడతాయి. రాతి ఉప్పు చిల్బ్లెయిన్స్ నుంచి రిలీఫ్ అందించడంలో సాయపడుతుంది.
ఆపిల్ సైడర్ వెనిగర్ చిట్కాతో రిలీఫ్
చిల్బ్లెయిన్స్ నుంచి ఉపశమనం పొందడానికి ఆపిల్ సైడర్ వెనిగర్ను ఉపయోగించవచ్చు. ఆపిల్ సైడర్ వెనిగర్ చిల్బ్లెయిన్స్ నుంచి ఉపశమనం కలిగించడంలో సాయపడుతుంది. ఆపిల్ సైడర్ వెనిగర్లో యాంటీ బ్యాక్టీరియల్, యాంటీ ఫంగల్ లక్షణాలు ఉన్నాయి.
ఇవి మంటను తగ్గించడంలో సాయపడతాయి. ఇది పాదాలు, చేతుల్లో నొప్పి, వాపును తగ్గించడంలో రిలీఫ్ అందిస్తుంది. ఇందుకోసం ఒక టబ్లో గోరువెచ్చని నీటిని నింపి ఆపిల్ సైడర్ వెనిగర్ జోడించండి. ఇప్పుడు చేతులు, పాదాలు అందులో ఉంచండి.
లవ్లీన్ కౌర్ చెప్పిన చిట్కాలేంటో తెలుసా?
- ప్రభావిత చర్మ ప్రాంతాన్ని రాత్రి పడుకునేముందు గోరువెచ్చని నీటితో శుభ్రం చేసుకోమని లవ్లీనా చెప్పారు. అంతేకాకుండా పొడిగా ఉంచండి. చల్లని ఉష్ణోగ్రతలకు గురికాకుండా చూడండి.
- గోరువెచ్చని నువ్వుల నూనె అప్లై చేయడం వల్ల దురద, వాపు నుంచి ఉపశమనం లభిస్తుంది. నువ్వుల నూనెతో మసాజ్ చేయడం వల్ల రక్త ప్రసరణ మెరుగుపడుతుంది.
- వేళ్ల మధ్య దురద, మంట ఉంటుంది. కానీ వాటిని గోకడం వల్ల ఇన్ఫెక్షన్ మరింత తీవ్రమవుతుంది. దురదను నివారించడానికి క్రీమ్ లేదా నూనె రాయండి.
- ఆహారంలో మెగ్నిషియం, జింక్ ఎక్కువగా ఉండే ఫుడ్స్ చేర్చుకోండి. ఇందుకోసం గుమ్మడి గింజలు, జీడిపప్పు, నల్ల శనగల్ని మీ ఆహారంలో చేర్చుకోండి.
- శీతాకాలంలో వ్యాయామం చేయడం వల్ల చిల్బ్లెయిన్స్ నుంచి రిలీఫ్ లభిస్తుంది. వ్యాయామం రక్త ప్రసరణను మెరుగుపరుస్తుంది. ఇది శరీర ఉష్ణోగ్రతను పెంచుతుంది. ఇది చిల్బ్లెయిన్స్ నుంచి ఉపశమనం కలిగిస్తుంది. మీరు రోజుకు 10-15 నిమిషాలు వ్యాయామం చేయండి.