Health Tips: రాత్రి పడుకునే ముందు టాయిలెట్కు వెళ్లడం సాధారణమే. కానీ గాఢ నిద్రలో ఉన్నప్పుడు అకస్మాత్తుగా మెలకువ వచ్చి విరేచనానికి వెళ్లాల్సి వస్తుంటే మాత్రం మీరు ఆలోచించాల్సిన విషయమే.నిపుణుల అభిప్రాయం ప్రకారం.. రాత్రివేళ పదే పదే ఇలా వెళ్లడం మీ జీర్ణక్రియ దెబ్బతిన్నదనడానికి సంకేతం. కొన్నిసార్లు రాత్రిపూట తీసుకునే ఆహారం లేదా తప్పుడు సమయంలో భోజనం చేయడం వల్ల ఇలా జరగవచ్చు. అధిక మసాలాలు వాడటం వల్ల కడుపులో గ్యాస్ ఏర్పడి నిద్రలో కూడా టాయిలెట్కు వెళ్లాల్సి వస్తుంది. ఒకటి రెండు సార్లు రాత్రి 2 లేదా 3 గంటలకు వెళ్లడం సాధారణమే కావచ్చు. కానీ ఇది క్రమం తప్పకుండా జరుగుతుంటే మాత్రం అది అనారోగ్య సమస్యలకు దారితీయవచ్చు.
రాత్రి సమయంలో విరేచనం రావడానికి కారణాలు ఏమిటి?
జీర్ణక్రియ లోపాలు: తిన్న ఆహారం సరిగ్గా అరగకపోవడం లేదా జీర్ణవ్యవస్థ బలహీనపడటం వల్ల విరేచనానికి వెళ్లాలనే కోరిక కలుగుతుంది. ఇరిటబుల్ బౌల్ సిండ్రోమ్ సమస్య ఉన్నవారికి రాత్రిపూట అకస్మాత్తుగా ఇలా జరగవచ్చు.
మసాలా దినుసులు లేదా భారీ డిన్నర్: ఆలస్యంగా భోజనం చేయడం వల్ల ప్రేగులపై ప్రభావం పడుతుంది. దీనివల్ల నిద్ర మధ్యలో విరేచనానికి వెళ్లాల్సి వస్తుంది. కొన్నిసార్లు కడుపునొప్పితో కూడిన విరేచనాలు కూడా రావచ్చు.
Also Read: టీ20 వరల్డ్ కప్ 2026.. ఈ ఆటగాళ్లంతా భారత సంతతికి చెందిన ఆటగాళ్లే!
ప్రేగులలో వాపు: ప్రేగులలో వాపు ఉండటం వల్ల కూడా పదే పదే విరేచనాలు అవుతాయి. బ్యాక్టీరియల్ ఇన్ఫెక్షన్, కోలిటిస్ లేదా క్రోన్’స్ డిసీజ్ వంటి పరిస్థితుల్లో రాత్రిపూట విరేచనాలు అయ్యే అవకాశం ఉంది.
డయాబెటిస్ సంకేతం: రాత్రిపూట మూత్రంతో పాటు విరేచనం రావడం మధుమేహం (డయాబెటిస్) సంకేతం కావచ్చు. మీ బ్లడ్ షుగర్ లెవల్స్ నియంత్రణలో లేనప్పుడు ఇలాంటి పరిస్థితి ఎదురవుతుంది.
ఉపశమనం కోసం ఏం చేయాలి?
- రాత్రి భోజనాన్ని వీలైనంత త్వరగా ముగించండి. ఎప్పుడూ తేలికపాటి ఆహారాన్ని తీసుకోవడానికి ప్రయత్నించండి.
- భోజనం చేసిన తర్వాత టీ లేదా కాఫీ అస్సలు తాగకండి. దీనివల్ల గ్యాస్ ఏర్పడి విరేచనానికి వెళ్లాలనే భావన కలుగుతుంది.
- రోజంతా తగినంత నీరు త్రాగాలి. కడుపును శుభ్రంగా, తేలికగా ఉంచడంలో నీరు చాలా సహాయపడుతుంది.