కొత్తిమీర వల్ల ఎన్నో రకాల ఆరోగ్య ప్రయోజనాలు ఉన్నాయి అన్న సంగతి మనందరికీ తెలిసిందే. భారతీయులు చాలా వరకు ప్రతి ఒక వంటకాలలో కొత్తిమీరను ఉపయోగిస్తూ ఉంటారు. మరి ముఖ్యంగా కూరల్లో కొత్తిమీర ఉపయోగించడం వల్ల కూర కలర్ఫుల్ గా కనిపించడంతో పాటు కర్రీ మరింత టేస్ట్ గా వస్తుంది. అందుకే భారతీయులు ఏ కూర చేసినా కచ్చితంగా కొత్తిమీరను ఉపయోగిస్తారు. కూరల్లో యాడ్ చేసినప్పటికీ చాలామంది కరివేపాకు తీసేసినట్టే కొత్తిమీరను కూడా తీసి పక్కకు పారేస్తూ ఉంటారు. కొత్తిమీరను తినడానికి చాలామంది ఇష్టపడరు.
కాగా కొత్తిమీరను వివిధ రకాల కూరలు, లేదా చట్నీ చేసుకుని తింటే మంచి రుచితోపాటు, యాంటీ మైక్రోబియల్, యాంటీ ఆక్సిడెంట్, యాంటీ ఇన్‌ఫ్లమేటరీ సుగుణాలు విటమిన్‌ ఏ, సి, క్యాల్షియం, మెగ్నీషియమ్‌లు శరీరానికి అందుతాయి. కొత్తిమీర లోని యాంటీ బయోటిక్‌ మూలకాలు రక్తంలోని చెక్కెర స్థాయిలను తగ్గించి ఇన్సులిన్‌ ఉత్పత్తిని పెంచుతాయి. అందువల్ల కొత్తిమీర జ్యూస్‌ను పరగడుపున తాగితే మధుమేహం నియంత్రణలో ఉంటుంది. అలాగే కొత్తిమీర రసంలో కొంచెం చక్కెర, నీరు కలిపి ఖాళీ కడుపుతో పరగడుపున వారం రోజులపాటు క్రమం తప్పకుండా తాగడం వల్ల శరీరంలో నీరసం, నిస్సత్తువలు తగ్గుతాయి.
లినోలిక్, ఒలిక్, పాలిమిటిక్, స్టియారిక్, ఆస్కార్బిక్‌ యాసిడ్స్‌ కొత్తిమీరలో ఉంటాయి. గుండె సంబంధ సమస్యలు, హార్ట్‌ స్ట్రోక్‌ల సమస్యలను కూడా తగ్గిస్తాయి. ప్రతి రోజు కొత్తిమీర తినడం వల్ల రక్తప్రసరణ బాగా జరుగుతుంది. లినోలాల్‌ అనే మూలకం జీర్ణవ్యవస్థను ఆరోగ్యంగా ఉంచడంలో ప్రముఖ పాత్ర పోషించి, జీర్ణసమస్యలను దరిచేరనివ్వదు. అంతే కాకుండా కాలేయం పనితీరు కూడా మెరుగుపడుతుంది. తరచు కొత్తిమీర చట్నీ తింటు ఉండటం వల్ల లేదా ధనియాల పొడిలో కొద్దిగా తేనె వేసుకుని తీసుకుంటుండటం వల్ల జ్ఞాపకశక్తి మెరుగు పడుతుంది. కొత్తిమీర డైయూరిటిక్‌గా పనిచేస్తుంది. శరీరంలో సోడియంను బయటకు పంపి రక్తపోటును తగ్గించడంలో ఇది ముఖ్యపాత్ర పోషిస్తుంది. ఇది చెడు కొలెస్ట్రాల్, ఎల్‌డీఎల్‌ఐని కూడా తగ్గిస్తుంది. కొత్తిమీరలో యాంటీ ఆక్సిడెంట్లు పుష్కలంగా లభిస్తాయి..