Ice cream with Mango : వేసవి వచ్చిందంటే చాలు, మామిడి పండ్ల రుచి గుర్తుకు వస్తుంది. పండుగ వాతావరణాన్ని తలపించేలా ఇంటిల్లిపాది మామిడిని ఆస్వాదిస్తారు. కొందరు మామిడి పండ్లను నేరుగా తినడానికి ఇష్టపడతారు. మరికొందరు దీనిని ఐస్ క్రీమ్‌తో కలిపి తినడానికి ఆసక్తి చూపుతారు. మామిడి, ఐస్ క్రీమ్ కలయిక నోటికి ఎంతో రుచిగా అనిపించినా, దీని వల్ల లాభాలతో పాటు కొన్ని నష్టాలు కూడా ఉన్నాయి. అయితే, కొందరికి ఐస్ క్రీమ్ తినడం కూడా చాలా ఇష్టం ఉంటుంది. ఐస్ క్రీమ్ తో పాటు వివిధ రకాల పండ్లను కూడా దాంతో కలిపి టేస్ట్ చేస్తుంటారు.
రెండు కలిపి తింటే లాభాలు..
ఐస్ క్రీమ్, మామిడి పండ్లను కలిపి తీసుకోవడం వల్ల కొన్ని లాభాలు ఉన్నాయి. మామిడి పండ్లలో విటమిన్ సి, విటమిన్ ఎ, ఫైబర్ వంటి పోషకాలు పుష్కలంగా ఉంటాయి. ఇవి శరీరానికి రోగనిరోధక శక్తిని పెంచడానికి, జీర్ణక్రియను మెరుగుపరచడానికి సహాయపడతాయి. మామిడిలోని సహజ చక్కెరలు తక్షణ శక్తిని అందిస్తాయి. ఐస్ క్రీమ్ వల్ల రుచి పెరుగుతుంది. ముఖ్యంగా, ప్రోటీన్, కాల్షియం కూడా ఐస్ క్రీమ్‌లో ఉంటాయి, ఇవి ఎముకల ఆరోగ్యానికి సహాయపడతాయి. వేసవిలో ఈ కలయిక శరీరాన్ని చల్లబరచడానికి, రిఫ్రెష్‌గా ఉంచడానికి దోహదపడుతుంది.
మధుమేహం ఉన్నవారికి సమస్యే..
అయితే, ఈ కలయిక వల్ల కొన్ని నష్టాలు కూడా ఉన్నాయి. ఐస్ క్రీమ్‌లో చెక్కర, కొవ్వు అధికంగా ఉంటాయి. మామిడి పండ్లలో సహజ చక్కెరలు ఉన్నప్పటికీ, ఐస్ క్రీమ్‌తో కలిపినప్పుడు చక్కెర శాతం మరింత పెరుగుతుంది. అధిక చక్కెర తీసుకోవడం వల్ల రక్తంలో చక్కెర స్థాయిలు పెరిగే ప్రమాదం ఉంటుంది, ముఖ్యంగా మధుమేహం ఉన్నవారికి ఇది ప్రమాదకరం. అలాగే, అధిక కొవ్వు గుండె ఆరోగ్యానికి మంచిది కాదు. ఈ కలయిక అధిక కేలరీలను కలిగి ఉంటుంది, కాబట్టి తరచుగా తీసుకోవడం వల్ల బరువు పెరిగే అవకాశం ఉంటుంది.
శరీరంలో సంభవించే మార్పుల విషయానికి వస్తే, ఈ ఐస్ క్రీమ్-మామిడి మిశ్రమాన్ని తీసుకున్నప్పుడు రక్తంలో గ్లూకోజ్ స్థాయిలు వేగంగా పెరిగే అవకాశం ఉంది. చక్కెర, కొవ్వు కలిపి జీర్ణం కావడానికి ఎక్కువ సమయం పడుతుంది, దీని వల్ల కొందరికి జీర్ణ సమస్యలు, గ్యాస్ లేదా కడుపు ఉబ్బరం వంటివి కలగవచ్చు. శరీరంలో తక్షణ శక్తి విడుదలైనా, తరువాత నిస్సత్తువ అనిపించవచ్చు. దీర్ఘకాలంలో, అధిక వినియోగం వల్ల స్థూలకాయం, ఇన్సులిన్ నిరోధకత వంటి సమస్యలు తలెత్తవచ్చు.
కాబట్టి, ఐస్ క్రీమ్, మామిడి పండ్ల కలయిక రుచిగా ఉన్నప్పటికీ, దీనిని మితంగా తీసుకోవడం చాలా ముఖ్యం. ముఖ్యంగా, చక్కెర, కొవ్వు తక్కువగా ఉన్న ఐస్ క్రీమ్‌ను ఎంచుకోవడం లేదా ఇంటి వద్దే తక్కువ చక్కెరతో మామిడి ఐస్ క్రీమ్ తయారు చేసుకోవడం మంచిది. మీ ఆరోగ్య పరిస్థితిని బట్టి, వైద్యులు లేదా పోషకాహార నిపుణుల సలహా తీసుకోవడం కూడా ఉత్తమం.
TG Govt : తెలంగాణ రాష్ట్ర పాలన కాంగ్రెస్ చేతుల్లో కాదు బీజేపీ చేతుల్లో ఉంది – హరీష్ రావు