Baby Ear Piercing: హిందూ ధర్మంలో పిల్లలకు చెవులు కుట్టించడం అనేది ఒక సంప్రదాయం మాత్రమే కాదు అందం కోసం కూడా చాలా మంది తల్లిదండ్రులు ఇలా చేస్తుంటారు. చిన్న వయస్సులో చర్మం చాలా మృదువుగా ఉంటుంది. అందుకే ఆ సమయంలో చెవులు కుట్టించడం వల్ల పిల్లలకు నొప్పి అంతగా తెలియదు. అయితే ఏ వయస్సులో కుట్టించాలి? ఎలాంటి జాగ్రత్తలు తీసుకోవాలి? అనే విషయాల్లో తల్లిదండ్రులకు తరచుగా సందేహాలు వస్తుంటాయి.
చెవులు కుట్టించడానికి ముందు తెలుసుకోవాల్సిన విషయాలు
సరైన వయస్సు ఎంత?
పిల్లల చెవులు కుట్టించడానికి నిర్దిష్టమైన వయస్సు అంటూ ఏమీ లేదు. కానీ శిశువుకు కనీసం 6 నెలల వయస్సు వచ్చే వరకు ఆగడం మంచిది. 6 నెలల తర్వాత పిల్లల రోగనిరోధక శక్తి మెరుగుపడుతుంది. అప్పటికే వారికి అవసరమైన ప్రధాన వ్యాక్సిన్లు కూడా పూర్తవుతాయి.
పరికరాలు శుభ్రంగా ఉండాలి
చెవులు కుట్టడానికి ఉపయోగించే పరికరాలు సరిగ్గా స్టెరిలైజ్ (క్రిమిరహితం) చేశారో లేదో చూసుకోవాలి. వీలైతే డాక్టర్ దగ్గర లేదా ధృవీకరించబడిన నిపుణుల ద్వారా మాత్రమే ఈ పని చేయించడం సురక్షితం.
Also Read: యర్రాజీ జ్యోతికి గ్రూప్-1 ఉద్యోగం, ఇంటి స్థలం.. అండగా నిలిచిన మంత్రి లోకేష్
సరైన లోహాన్ని ఎంచుకోండి
పిల్లలకు అలర్జీలు రాకుండా ఉండాలంటే నికెల్ లేని బంగారం. టైటానియం లేదా సర్జికల్ స్టెయిన్లెస్ స్టీల్ వంటి వాటిని ఎంచుకోవాలి. ఇవి చర్మానికి ఎటువంటి హాని చేయవు.
చెవులు కుట్టించిన తర్వాత తీసుకోవలసిన జాగ్రత్తలు
- చెవుల వద్ద ఎప్పుడూ శుభ్రంగా ఉంచాలి.
- ప్రతిరోజూ డాక్టర్ సూచించిన యాంటీ సెప్టిక్ క్రీమ్ను కుట్టించిన చోట రాయాలి.
- కనీసం 4 నుండి 6 వారాల వరకు ఆ ఇయర్ రింగ్స్ తీయకూడదు.
- ఒకవేళ కుట్టిన చోట ఎర్రగా మారినా, వాపు వచ్చినా లేదా చీము పట్టినట్లు అనిపిస్తే వెంటనే డాక్టర్ను సంప్రదించాలి.
మరికొన్ని ముఖ్యమైన సూచనలు
- చెవులు కుట్టించేటప్పుడు పిల్లలు అటు ఇటు కదలకుండా గట్టిగా పట్టుకోవాలి.
- నొప్పి తెలియకుండా ఉండటానికి అవసరమైతే ‘నమ్మింగ్ క్రీమ్’ (మత్తు ఇచ్చే క్రీమ్) వాడవచ్చు.
- పిల్లలకు వదులుగా ఉండే బట్టలు వేయడం మంచిది, తద్వారా బట్టలు మార్చేటప్పుడు చెవులకు తగలకుండా ఉంటుంది.
- కమ్మలు చర్మానికి అతుక్కుపోకుండా ఉండటానికి రోజుకు ఒకటి రెండు సార్లు వాటిని నెమ్మదిగా తిప్పుతూ ఉండాలి.