Pongal: భారతదేశంలో అత్యంత వేడుకగా జరుపుకునే పంట పండుగలు అయిన పొంగల్, లోహ్రీ, మకర సంక్రాంతి రావడానికి మరికొన్ని రోజులే మిగిలి ఉన్నాయి. వీటి కచ్చితమైన తేదీల గురించి ప్రజల్లో ఎంతో ఆసక్తి నెలకొంది. తమిళ సౌర పంచాంగం ప్రకారం.. ఈ ఏడాది పొంగల్ పండుగను జనవరి 14, 2026న జరుపుకుంటారు. నాలుగు రోజుల పాటు జరిగే ఈ ఉత్సవాలు ‘భోగి పాండిగై’తో ప్రారంభమై అత్యంత పవిత్రమైన ‘థాయ్ పొంగల్’తో కొనసాగుతాయి. భోగి రోజున ప్రజలు తమ ఇళ్లను శుభ్రం చేసుకుని, భోగి మంటలు వేస్తారు.
పంజాబ్లో లోహ్రీ ఎప్పుడు?
పంజాబ్లో పొంగల్ ఉత్సవాల మొదటి రోజును లోహ్రీగా జరుపుకుంటారు. ఇది మంగళవారం, జనవరి 13న వస్తుంది. పంజాబ్లో లోహ్రీ పండుగ రబీ పంటల కోతకు చిహ్నం. లోహ్రీ లేదా ‘లాల్ లోయి’ అని పిలిచే ఈ పండుగ రోజున మొక్కజొన్న, వేరుశనగ, గజక్, నువ్వులు, బెల్లంతో చేసిన సాంప్రదాయ మిఠాయిలను ఆరగిస్తారు. అలాగే గిద్దా, భాంగ్రా నృత్యాలతో ప్రజలు తమ సంతోషాన్ని వ్యక్తపరుస్తారు.
తమిళ పంచాంగంలో పొంగల్ 4 రోజుల పండుగ
తమిళ పంచాంగం ప్రకారం.. పదియవ సౌర మాసమైన ‘థాయ్’ మొదటి రోజును థాయ్ పొంగల్గా జరుపుకుంటారు.
రెండవ రోజు సంక్రాంతి: దీనిని ఉత్తర భారతదేశంలో మకర సంక్రాంతి అంటారు. ఈ రోజున ప్రజలు పవిత్ర స్నానాలు ఆచరించి సూర్య భగవానుడిని పూజిస్తారు.
పురాణ గాథ: దక్షిణ భారత జానపద కథల ప్రకారం.. మకర సంక్రాంతి మరుసటి రోజే శ్రీకృష్ణుడు గోవర్ధన పర్వతాన్ని ఎత్తాడు. సూర్యుడు ధను రాశి నుండి మకర రాశిలోకి ప్రవేశించినప్పుడు మకర సంక్రాంతిని జరుపుకుంటారు.
పొంగల్, మకర సంక్రాంతి శుభ ముహూర్తం
దృక్ పంచాంగం ప్రకారం.. థాయ్ పొంగల్, మకర సంక్రాంతి శుభ ముహూర్తం బుధవారం మధ్యాహ్నం 3 గంటల 13 నిమిషాలకు ప్రారంభమవుతుంది.
మూడవ రోజు – మట్టు పొంగల్: ఈ రోజున పశువులను స్నానం చేయించి, అందంగా అలంకరిస్తారు.
చివరి రోజు – కానుమ్ పొంగల్: ఇది ఉత్సవాల్లో ముగింపు రోజు.
Also Read: టీ20 వరల్డ్ కప్ 2026.. భారత్లో ఆడేందుకు బంగ్లాదేశ్ విముఖత, స్పందించిన భారత ప్రభుత్వం!
భారతదేశంలో పంట పండుగల విభిన్న నామాలు
భారతదేశం అంతటా పంట పండుగలను వేర్వేరు పేర్లతో పిలిచినప్పటికీ వాటన్నింటి సారాంశం ఒక్కటే. సూర్యుడు మకర రాశిలోకి ప్రవేశించడం వల్ల చలికాలంలో చిన్నగా ఉండే పగలు ముగిసి, పెద్ద పగళ్లు ప్రారంభమవడానికి ఇవి చిహ్నాలు.
గుజరాత్: ఇక్కడ దీనిని ఉత్తరాయణ్ అని పిలుస్తారు.
అస్సాం: ఇక్కడ పంట కాలం ముగింపును సూచిస్తూ మాఘ బిహు లేదా భోగాలీ బిహుగా జరుపుకుంటారు.
ఉత్తరప్రదేశ్ & బీహార్: ఈ రోజున బియ్యం, పప్పుతో చేసిన ఖిచడీని వండి దానం చేస్తారు.
పశ్చిమ బెంగాల్: ఇక్కడ పౌష్ సంక్రాంతి రోజున బియ్యపు పిండితో చేసిన ‘పీఠే’ అనే మిఠాయిలను తయారు చేస్తారు.