మామూలుగా ప్రతి ఒక్కరూ లక్ష్మీదేవి అనుగ్రహం కలగాలని కోరుకోవడంతో పాటు అమ్మవారికి ప్రత్యేకంగా పూజలు పరిహారాలు కూడా పాటిస్తూ ఉంటారు. అయితే చాలామంది లక్ష్మీదేవికి ఇష్టమైన గవ్వలను కూడా పూజ గదిలో పెట్టి పూజలు చేస్తూ ఉంటారు. గవ్వలలో కూడా రకరకాల గవ్వలు ఉన్నాయి అన్న విషయం మనందరికీ తెలిసిందే. వీటిని కొందరు పూజ గదిలో పెడితే మరికొందరు డబ్బు ఉంచే ప్రదేశంలో ఉంచుతూ ఉంటారు. అయితే ఇంట్లో గవ్వలు ఉండటం మంచిదేనా,వీటిని ఇంట్లో పెట్టుకొని పూజించడం వల్ల ఏ విధమైనటువంటి ఫలితాలు కలుగుతాయో ఇప్పుడు మనం తెలుసుకుందాం..
గవ్వలను సాక్షాత్తు లక్ష్మీదేవి స్వరూపంగా భావిస్తారు. దేవతలు రాక్షసులు సాగర మధనం చేస్తున్న సమయంలో లక్ష్మీదేవి సముద్ర గర్భం నుంచి ఉద్భవించింది దీంతో సముద్ర గర్భంలో ఉన్నటువంటి గవ్వలు కూడా లక్ష్మీదేవి స్వరూపంగా భావిస్తారు. కాబట్టి గవ్వలను దేవుడు గదిలో పెట్టి పూజిస్తారు ఇలా చేయడం వల్ల ఎన్నో శుభ ఫలితాలు కలుగుతాయని నమ్మకం. ఇక ఈ గవ్వలను దేవుడు గదిలోనే కాకుండా డబ్బు నిల్వ చేసే చోట అలాగే వ్యాపారాలు చేసే చోట పెడుతూ ఉంటారు. గవ్వలు లక్ష్మీదేవికి చెల్లెలు గాను శంఖువులను తమ్ముళ్లు గాను భావిస్తారు. ఎక్కడైతే గవ్వలను పూజిస్తారో అక్కడ తప్పనిసరిగా లక్ష్మీదేవి ఉంటుందని నమ్మకం. కాగా గవ్వలలో కూడా చాలా రకాలు ఉన్నాయి.
అయితే పసుపు పచ్చ గవ్వలను పూజించడం వల్ల లక్ష్మీదేవి కరుణ కటాక్షాలు ఎల్లప్పుడూ మనపై ఉంటాయట. ఇలా పచ్చ గవ్వలను ఇంట్లో లక్ష్మి పీఠం వద్ద ఉంచి పూజించడం వల్ల అమ్మవారి అనుగ్రహం మనపై ఉంటుందట. అలాగే డబ్బులు నిలువ చేసే డబ్బాలో కూడా గవ్వలను పెట్టడం వల్ల ఏ విధమైనటువంటి ఆర్థిక ఇబ్బందులు ఉండవని పండితులు చెబుతున్నారు. కాబట్టి ఇంట్లో గవ్వలు ఉండడం మంచిదే అని, వీటిని పూజించడం వల్ల లక్ష్మీ అనుగ్రహం కూడా కలుగుతుందని, ఈ గవ్వలు ఎక్కడ ఉంటే లక్ష్మీదేవి కూడా అక్కడే నివసిస్తుందని చెబుతున్నారు..