ప్రతి ఒక్కరూ వాస్తు విషయాలను పాటించడం తప్పనిసరి. ఎందుకంటే వాస్తు విషయాలను పాటించకపోతే అవి మనిషి జీవితంపై చాలా ప్రభావాన్ని చూపిస్తాయి.. మనం ఎదుర్కొనే ఆర్థిక ఇబ్బందులు మానసిక ఇబ్బందులకు కొన్ని కొన్ని సార్లు వాస్తు విషయాలు కూడా కారణం కావచ్చు. అందుకే వాస్తు విషయాలను తూచా తప్పకుండా పాటించాలని పండితులు చెబుతూ ఉంటారు.. కొంతమంది ప్రతి ఒక విషయంలోనూ వాస్తు విషయాన్ని నమ్ముతూ ఉంటారు. ఎలాంటి పని మొదలుపెట్టినా కూడా వాస్తు విషయాలను ఫాలో అవుతూ ఉంటారు.
స్థలం కొనుగోలు చేయడం నుంచి ఇంట్లో చెప్పుల స్టాండ్ అమరిక వరకు ప్రతి ఒక్క విషయంలో వాస్తు విషయాలను పాటిస్తూ ఉంటారు. అయితే తెలియక చేసే కొన్ని తప్పిదాలు వాస్తు దోషానికి దారి తీస్తాయట. చాలా మంది ఇళ్లలో పనికిరాని వస్తువులను అలాగే ఉంచుతుంటారు. ఇలా ఉంచడం వల్ల ఇంట్లోకి నెగెటివ్ ఎనర్జీ వస్తుందట. జీవితంలో ఎన్నో అడ్డంకులు వస్తాయి. అవి ఎప్పటికీ తీరవట. ఒకదాని వెనక మరొకటి అవరోధం మనస్సును అశాంతి, నిరాశతో నింపుతాయట. అలాంటప్పుడు ఇంటి వాస్తుపై శ్రద్ధ పెట్టడం మంచిది. ఇంటి వంటగది కుటుంబ సభ్యుల ఆరోగ్యం, ఆర్థిక స్థితికి సంబంధించినది.
గ్యాస్ స్టవ్‌ ను ఎప్పుడూ మురికిగా ఉంచకూడదట. ఇలా ఉంచడం వల్ల ఆర్థిక సమస్యలు ఎదురుకావచ్చని చెబుతున్నారు. అలాగే ఇంట్లో అగరబత్తిని వెలిగించడం ద్వారా గదుల నుండి ప్రతికూల శక్తిని తొలగించవచ్చట. వాస్తు ప్రకారం ఇలా చేయడం వల్ల మంచి నిద్ర వస్తుందట. అలాగే వాస్తు ప్రకారం కిటికీలు లేదా తలుపులపై సెలెనైట్ రాళ్లను ఉంచడం వల్ల ఇంట్లో బయటి నుండి వచ్చే ప్రతికూల శక్తిని ఆపుతాయట. ఇంట్లో అనవసరమైన వస్తువులు ప్రతికూల శక్తిని సృష్టిస్తాయి. కాబట్టి ఇంట్లో ఉంచిన ఉపయోగించని వస్తువులను తొలగించడం మంచిది. ఇంటికి ఈశాన్య దిక్కు చాలా శుభప్రదం. ఈ దిక్కున దేవుడు కొలువై ఉంటాడని అంటారు. వాస్తు ప్రకారం, ఈశాన్య కోణం నుండి బరువైన వస్తువులను తొలగించండం మంచిది. అదేవిధంగా ఇంట్లో తుప్పు పట్టిన వస్తువులు, జంక్ వస్తువులను తొలగించాలి. తుప్పు పట్టిన పదార్థాలు ప్రతికూల శక్తిని వేగంగా ఆకర్షిస్తాయి.ఆగిపోయిన గడియారం , విరిగిన పాత్ర మొదలైనవి ఉంటే వెంటనే ఇంట్లో నుంచి తీసివేయండి. ఎందుకంటే వాస్తు ప్రకారం, ఆగిపోయిన గడియారం లేదా ఇంట్లో ఉంచిన విరిగిన పాత్రలు ఇంటికి ఆర్థిక సమస్య లేదా పేదరికాన్ని తెస్తాయని చెబుతున్నారు.