The Family Star : విజయ్ ‘ఫామిలీ స్టార్’కి ఇంత తక్కువ కలెక్షన్స్ వచ్చాయా..!

The Family Star Collections

The Family Star : విజయ్ దేవరకొండ, మృణాల్ ఠాకూర్ జంటగా నటించిన కొత్త సినిమా ‘ది ఫ్యామిలీ స్టార్’. దిల్ రాజు నిర్మించిన ఈ సినిమాని పరుశురాం డైరెక్ట్ చేసారు. గతంలో విజయ్ అండ్ పరుశురాం కలిసి ఆడియన్స్ ముందుకు గీతగోవిందం వంటి బ్లాక్ బస్టర్ ని తీసుకు వచ్చారు. ఆ మూవీ 100 కోట్ల కలెక్షన్స్ ని అందుకొని విజయ్ ని స్టార్ చేసింది. ఆ సినిమా తరువాత మళ్ళీ విజయ్ ఆ రేంజ్ హిట్టుని అందుకోలేదు.

దీంతో విజయ్ ఫ్యాన్స్ అంతా ఈ గీతగోవిందం కాంబో పై భారీ అంచనాలు పెట్టుకున్నారు. విజయ్ కి రెండో 100 కోట్ల మూవీ పక్కా అని ఫీల్ అయ్యారు. కానీ ప్రస్తుతం థియేటర్స్ వద్ద ఈ సినిమా కలెక్షన్స్ చూస్తుంటే.. 100 కోట్లు కాదు కదా, బ్రేక్ ఈవెన్ కూడా అయ్యేలా కనిపించడం లేదు. విజయ్ గత రెండు సినిమాలు ఖుషి, లైగర్ రిజల్ట్స్ ఎలా ఉన్నా.. ఓపెనింగ్స్ మాత్రం అదిరిపోయాయి.

కానీ ఆ ఓపెనింగ్స్ ఇప్పుడు ఫ్యామిలీ స్టార్ కి కనిపించలేదు. అసలు ఖుషి, లైగర్ ఓపెనింగ్స్ దరిదాపుల్లో కూడా ఫ్యామిలీ స్టార్ ఓపెనింగ్ కలెక్షన్స్ లేవు. ఈ మూవీ ఫస్ట్ డే వరల్డ్ వైడ్ గా సుమారు రూ.11 కోట్ల గ్రాస్ ని రాబట్టినట్లు ట్రేడ్ వర్గాలు చెబుతున్నాయి. అంటే షేర్ కలెక్షన్స్ కేవలం 6 కోట్లు మాత్రమే. విజయ్ గత సినిమాలతో పోలిస్తే ఇవి చాలా తక్కువ ఓపెనింగ్స్. ఇక ఈ ఓపెనింగ్స్ చూసి ఫ్యాన్స్ కూడా షాక్ అవుతున్నారు.

కాగా ఈ మూవీ 81 కోట్ల వరకు ప్రీ రిలీజ్ బిజినెస్ చేసినట్లు సమాచారం. దీనిబట్టి చూస్తే.. ఈ సినిమా బ్రేక్ ఈవెన్ కావాలంటే.. దాదాపు 82 కోట్ల గ్రాస్, 41 కోట్ల షేర్‌కి పైగా కలెక్షన్స్ ని నమోదు చేయాల్సి ఉంటుంది. ఇప్పుడు వచ్చిన ఓపెనింగ్స్ చూస్తుంటే.. ఈ సినిమా బ్రేక్ ఈవెన్ సాధించడం కూడా కష్టమే అనిపిస్తుంది. కాగా ఈ చిత్రాన్ని దాదాపు 60 కోట్ల బడ్జెట్ తో దిల్ రాజు నిర్మించినట్లు సమాచారం.

Also read : Kalki 2898 AD : యానిమేటెడ్ టీజర్‌తో కొత్త రిలీజ్ డేట్‌ని అనౌన్స్ చేయబోతున్న కల్కి..