Vijay Devarakonda ఫ్యామిలీ స్టార్ అంటూ రీసెంట్ గా ప్రేక్షకుల ముందుకొచ్చిన విజయ్ దేవరకొండ ఆ సినిమాతో ఊహించని డిజాస్టర్ మూట కట్టుకున్నాడు. పరశురాం తో గీతా గోవిందం లాంటి మరో సూపర్ హిట్ పడుతుందని ఆశించిన విజయ్ కు ఫ్యామిలీ స్టార్ పెద్ద షాకే ఇచ్చింది. ఈ సినిమాలో లక్కీ హీరోయిన్ మృణాల్ ఠాకూర్ హీరోయిన్ గా నటించినా సరే అదృష్టం కలిసి రాలేదు.
దిల్ రాజు నిర్మాణం లో దాదాపు పాతిక కోట్ల పైన బడ్జెట్ తో ఈ సినిమా నిర్మించారు. ఈ సినిమా ఫెయిల్యూర్ తో కొద్దిపాటి గ్యాప్ తీసుకోవాలని అనుకున్న విజయ్ దేవరకొండ తన నెక్స్ట్ సినిమా కోసం మరింత జాగ్రత్త పడుతున్నాడు. విజయ్ దేవరకొండ 12వ సినిమా గౌతం తిన్ననూరి డైరెక్షన్ లో వస్తుంది.
ఈ సినిమాను సితార ఎంటర్టైన్మెంట్స్ నిర్మిస్తుంది. స్పై థ్రిల్లర్ గా రాబోతున్న ఈ సినిమాలో విజయ్ దేవరకొండ కొత్త లుక్ తో కనిపిస్తారని తెలుస్తుంది. విజయ్ ఈమధ్య అన్ని సినిమాల్లో ఒకేలా కనిపిస్తున్నాడు. అందుకే గౌతం తిన్ననూరి సినిమాలో డిఫరెంట్ లుక్ ట్రై చేస్తున్నాడట.
ఈ సినిమాలో విజయ్ లుక్ మాత్రమే కాదు తన క్యారెక్టరైజేషన్ కూడా ఫ్యాన్స్ కి కిక్ ఇస్తుందని అంటున్నారు. త్వరలో సెట్స్ మీదకు వెళ్లనున్న ఈ సినిమాలో ఇద్దరు హీరోయిన్స్ కు నటించే ఛాన్స్ ఉందని టాక్. అయితే అందులో ఒకరు మిస్టర్ బచ్చన్ భామ భాగ్య శ్రీకి ఛాన్స్ ఇవ్వగా మరో హీరోయిన్ ఎవరన్నది మాత్రం తెలియాల్సి ఉంది.
Also Read : Nayanatara Premalu : స్టార్ హీరోయిన్ ను మెప్పించిన ప్రేమలు మూవీ.. సోషల్ మీడియాలో ఏం కామెంట్ పెట్టిందంటే..!