Teja Sajja : టాలీవుడ్ యువ హీరో తేజ సజ్జ రీసెంట్ గా ‘హనుమాన్’ సినిమాతో ఆడియన్స్ ముందుకు వచ్చి బ్లాక్ బస్టర్ విజయాన్ని అందుకున్నారు. పాన్ ఇండియా వైడ్ ఈ సినిమా సంచలన విజయం సాధించడంతో.. ఈ హీరో నెక్స్ట్ ప్రాజెక్ట్స్ పై ఆడియన్స్ లో మంచి ఆసక్తి కనిపిస్తుంది.
అయితే ఈ యువ హీరో ఇప్పటి వరకు తన కొత్త సినిమాని అనౌన్స్ చేయలేదు. హనుమాన్ కి సీక్వెల్ గా తెరకెక్కే ‘జై హనుమాన్’ అయితే లైనప్ లో ఉంది. కానీ ఈ సినిమాలో తేజ సజ్జ మెయిన్ హీరో కాదు. మరి తేజ సజ్జ మెయిన్ హీరోగా తెరకెక్కే నెక్స్ట్ మూవీ ఏంటి..? ఆ సినిమాని ఎవరు డైరెక్ట్ చేయబోతున్నారు..?
తేజ సజ్జ తన నెక్స్ట్ మూవీని కార్తీక్ ఘట్టమనేనితో ప్లాన్ చేసారు. సినిమాటోగ్రాఫర్ గా పలు సూపర్ హిట్ మూవీస్ కి పని చేసిన కార్తీక్.. సూర్య వెర్సస్ సూర్య, ఈగల్ సినిమాలు చేసారు. ఈ రెండు సినిమాలు సరికొత్త స్క్రీన్ ప్లేతో ఆడియన్స్ ని బాగా ఆకట్టుకున్నాయి. ఈగల్ సినిమాని అయితే హాలీవుడ్ టేకింగ్ తో చిత్రీకరించి వావ్ అనిపించారు. ఈ యంగ్ అండ్ టాలెంటెడ్ దర్శకుడితోనే తేజ తన కొత్త సినిమాని చేయబోతున్నారు.
ప్రస్తుతం ప్రీ ప్రొడక్షన్ వర్క్స్ జరుపుకుంటున్న ఈ సినిమాలో తేజకి జోడిగా రితికా నాయక్ ని ఎంపిక చేసుకున్నారట. ఇక ఈ వార్త చూసిన ఆడియన్స్.. తేజ అండ్ రితికా జోడి చూడడానికి చాలా బాగుంటుందని కామెంట్స్ చేస్తున్నారు. కాగా ఈ సినిమా ఎలాంటి నేపథ్యంతో రాబోతుందో అనేది తెలియాల్సి ఉంది. ఈ చిత్రానికి కూడా పాన్ ఇండియా ప్రాజెక్ట్ గానే తీసుకు రాబోతున్నారట.
Also read : Kalki 2898 AD : కల్కి రిలీజ్ డేట్పై కొత్త వార్త.. అయితే ఇండియన్ 2 కూడా..