Superstar Rajinikanth: పేద‌ల కోసం 12 ఎక‌రాల్లో ఆసుప‌త్రిని నిర్మించ‌నున్న ర‌జ‌నీకాంత్‌..?

Rajinikanth Real Name and When he changed his Name full Details

Superstar Rajinikanth: ‘జైలర్’ సక్సెస్‌తో దూసుకుపోతున్న తమిళ సూపర్‌స్టార్ రజనీకాంత్ (Superstar Rajinikanth) చెన్నైలో పేదలకు ఉచితంగా వైద్యం అందించేందుకు 12 ఎకరాల్లో ఆసుపత్రిని నిర్మించే ఆలోచనలో ఉన్నట్లు సోష‌ల్ మీడియాలో వార్త‌లు వైర‌ల్ అవుతున్నాయి. కొద్ది రోజుల క్రితం రజనీకాంత్ చెన్నైలోని తిరుప్పోరూర్‌లోని రిజిస్ట్రార్ కార్యాలయాన్ని సందర్శించారు. అక్కడ ఆయన కొత్తగా కొనుగోలు చేసిన భూమికి సంబంధించిన పట్టాపత్రం నిర్వహించారు. అప్పుడు రజనీకాంత్ వస్తున్నారని తెలియడంతో ఆయన్ను చూసేందుకు పెద్ద సంఖ్యలో అభిమానులు అక్కడకు చేరుకున్నారు. దీంతో ఆ ప్రాంతంలో కాసేపు ఉత్కంఠ నెలకొంది. ఈ సందర్భంగా రజనీకాంత్ అక్కడికి చేరుకున్న తర్వాత పై సమాచారం లీక్ చేయబడింది.

దీని ప్రకారం చెన్నై ఓఎంఆర్ రోడ్డు నుంచి తలంబూరు వెళ్లే మార్గంలో 12 ఎకరాల భూమిని రజనీ కొనుగోలు చేశారు. దస్తావేజు నమోదు చేసేందుకు రజినీ తిరుపోరూర్ రిజిస్ట్రార్ కార్యాలయానికి వచ్చారు. ఇక ఆ స్థలంలో రజనీకాంత్ భారీ ఆసుపత్రిని నిర్మించే పనిలో ఉన్నట్లు స‌మాచారం.

Also Read: ISRO Chief Somanath: ఇస్రో చీఫ్ సోమ‌నాథ్‌కు క్యాన్స‌ర్‌.. ఎప్పుడు తెలిసిందంటే..?

ఆసుపత్రి పేదలకు నాణ్యమైన ఉచిత వైద్యం అందిచ‌నున్నట్లు తెలుస్తోంది. అదే సమయంలో బాగా డబ్బున్న వారి నుంచి డబ్బులు వసూలు చేస్తారని అంటున్నారు. నివేదికల ప్రకారం.. ఆసుపత్రి నిర్మాణ పనులు త్వరలో ప్రారంభం కానున్నాయని, ప్రస్తుతం షూటింగ్‌లో ఉన్నందున రజనీ తనతో పాటు నిర్మాణ పనులను చూసుకోవడానికి తన స్నేహితుడిని నియమించుకున్నారని సమాచారం.

ప్ర‌స్తుతం త‌మిళ సూప‌ర్ స్టార్ వ‌రుస సినిమాల‌తో బిజీగా ఉన్నారు. రజనీకాంత్ ప్రస్తుతం ‘జై భీమ్’ దర్శకుడు జ్ఞానవేల్ దర్శకత్వంలో ‘వెట్టయన్’లో నటిస్తున్నారు. లైకా సంస్థ నిర్మిస్తున్న ఈ సినిమా షూటింగ్ చివరి దశకు చేరుకుంది. ప్రస్తుతం హైదరాబాద్‌లో ‘వెట్టయన్‌’ చివరి షూటింగ్‌ జరుగుతోంది. రజనీకాంత్, రానా, రితికా సింగ్ తదితరులు ఈ మూవీలో యాక్ట్ చేస్తున్నారు.

We’re now on WhatsApp : Click to Join