Srileela : శ్రీలీలకు కూడా బోర్ కొట్టేసిందా..?

Srileela Special Song for Kollywood Star hero movie

Srileela టాలీవుడ్ లో వరుస సినిమాలతో అదరగొడుతూ తన డ్యాన్స్ లతో దుమ్ము దులిపేస్తున్న శ్రీ లీల క్లాసు మాసు అనే తేడా లేకుండా అన్ని వర్గాల ఆడియన్స్ ని మెప్పిస్తుంది. యాక్టింగ్ పరంగా ఏమో కానీ డ్యాన్స్ లతో శ్రీ లీల సూపర్ క్రేజ్ తెచ్చుకుంది. ఆమె పక్కన చేస్తున్న హీరోలు కూడా ఆమెను మ్యాచ్ చేసేందుకు కష్టపడుతున్నారు అంటే శ్రీ లీల డ్యాన్స్ పవర్ ఏంటో అర్ధం చేసుకోవచ్చు. అయితే లాస్ట్ ఇయర్ నాలుగు సినిమాలు నటించగా భగవంత్ కేసరి సినిమా ఒక్కటే హిట్ అయ్యింది.

ఈ ఇయర్ మొదట్లో గుంటూరు కారం తో హిట్ అందుకున్నా అది మహేష్ బాబు ఖాతాలో పడిపోయింది. ఇక రీసెంట్ గా శ్రీ లీలకు ఒక స్పెషల్ సాంగ్ ఆఫర్ వచ్చిందని తెలుస్తుంది. స్టార్ హీరో చేస్తున్న పాన్ ఇండియా సినిమాలో స్పెషల్ సాంగ్ ఆఫర్ రాగా శ్రీ లీల అందుకు నో చెప్పిందని టాక్. ఇప్పుడిప్పుడే స్టార్ ఇమేజ్ తెచ్చుకుంటున్న ఈ టైం లో స్పెషల్ సాంగ్ చేస్తే కెరీర్ కి నష్టమని భావిస్తుంది శ్రీ లీల.

అంతేకాదు తన డ్యాన్స్ కోసమే స్పెషల్ సాంగ్ ఆఫర్ ఇస్తున్నారని గుర్తించిన శ్రీ లీల డ్యాన్స్ వేసి వేసి తనకు బోర్ కొట్టేసిందని అనేస్తుందట. ఇక మీదట పాత్ర ప్రాధాన్యత ఉన్న సినిమాలే చేయాలని.. కథానాయిక పాత్రకు మంచి స్కోప్ ఉండే ప్రాజెక్ట్ లు సైన్ చేయాలని అనుకుంటుందట. అందుకే ఇక మీదట కథల విషయంలో ఆచి తూచి అడుగులేస్తుందని అంటున్నారు.

ప్రస్తుతం శ్రీ లీల చేతిలో పవన్ కళ్యాణ్ ఉస్తాద్ భగత్ సింగ్ ఒక్కటే ఉంది. ఆ సినిమా తర్వాత నెక్స్ట్ ఏ ప్రాజెక్ట్ కి సైన్ చేయలేదు. శ్రీ లీల నెక్స్ట్ సినిమా అప్డేట్స్ కోసం ఆమె ఫ్యాన్స్ అంతా ఈగర్ గా ఎదురుచూస్తున్నారు.

Also Read : Deepika Padukone : ప్రభాస్ తర్వాత పుష్ప రాజ్ తో దీపికా.. సౌత్ లో పాగా వేయాలనుకుంటున్న అమ్మడు..!