Sridevi: నెట్టింట వైరల్ అవుతున్న అతిలోక సుందరి రేర్ వీడియో.. కామెడీ మాములుగా లేదుగా!

Sridevi

తెలుగు ప్రేక్షకులకు అతిలోకసుందరి శ్రీదేవి గురించి ప్రత్యేకంగా చెప్పాల్సిన పనిలేదు. భౌతికంగా ఆమె మనకు దూరమైనప్పటికీ ఆమె జ్ఞాపకాలు మాత్రమే ఇంకా కళ్ళ ముందు మొదలుతూనే ఉన్నాయి. ఆమె అద్భుతమైన అందం చిరునవ్వు ఇవన్నీ కూడా మన కళ్ళ ముందు ఇంకా మెదులుతూనే ఉన్నాయి. సినిమాలో పాత్ర ఏదైనా అందులో పరకాయ ప్రవేశం చేసి ఆ పాత్రకు నూటికి నూరు శాతం న్యాయం చేయగల నటి శ్రీదేవి. అయితే శ్రీదేవి మరణించి ఆరేళ్ళు అవుతున్నా కూడా ఇప్పటికీ ఆమె మనతోనే మన మధ్యలోనే ఉన్నట్టు అనిపిస్తూ ఉంటుంది.

We’re now on WhatsApp. Click to Join
ఈమె సినిమాలలో కేవలం గ్లామర్ పాత్రలు మాత్రమే కాకుండా యాక్షన్ సన్నివేశాలలో కూడా నటించింది. అలాగే కొన్ని నెగిటివ్ షేడ్స్ ఉన్న పాత్రల్లో కూడా నటించి మెప్పించింది శ్రీదేవి. అలాగే కామెడీ పండించడంలో కూడా ఆమె దిట్టా అని చెప్పాలి. కామెడీ చేస్తే నవ్వులే నవ్వులు అని చెప్పొచ్చు. తాజాగా అలాంటి ఒక రేర్ వీడియో ఇప్పుడు వైరల్ గా మారింది. శ్రీదేవి కనిపించిన ఒక రేర్‌ వీడియో ఇప్పుడు యూట్యూబ్‌లో ట్రెండ్ అవుతోంది. ఇందులో తన చెల్లి, హీరోయిన్‌ మహేశ్వరితో కలిసి ఒక వీడియో చేసింది. మహేశ్వరీ ఒక టీవీ సీరియల్‌లో నటిస్తుంది.

Also Read: Meera Jasmine: మొదటిసారి ఫ్యామిలీ ఫోటో ని షేర్ చేసిన మీరా జాస్మిన్.. పోస్ట్ వైరల్!

ఆ టీవీ సీరియల్‌ గురించి శ్రీదేవి వీడియో బైట్‌ ఇస్తుంది. దాన్ని చూడాలని, అది ఎలాంటి సీరియలో చెప్పే ప్రయత్నం చేస్తుంది. అయితే ముందు మహేశ్వరికి శ్రీదేవికి అన్ని వివరాలు చెప్పి కెమెరా ముందు కూర్చున్నారు. ప్రారంభం నుంచి అన్నీ తప్పులు తప్పులే చెబుతుంది శ్రీదేవి. పక్కన ఉన్న మహేశ్వరి సరి చేస్తూనే ఉంది. ఏం చెప్పినా, రాంగ్‌గానే వాడుతుంది. ఒకటి చెప్పబోయి మరోటి చెబుతుంది. దీంతో పక్కన చెల్లికి చిరాకు అనిపిస్తుంది. అక్క అలా కాదు అక్క అంటూ సరిచేస్తూనే ఉన్నా అవే మిస్టేక్స్. దీంతో ఈ వీడియో మొత్తం కామెడీగా మారింది. మొత్తానికి కామెడీ సీరియల్‌లో మహేశ్వరీ నటిస్తుందని చెప్పింది. దాని పేరు మై నేమ్‌ ఈజ్‌ మంగమ్మ. ఇది దాదాపు 11ఏళ్ల క్రితం నాటి వీడియో. ఇప్పుడు సోషల్‌ మీడియాలో వైరల్‌ అవుతుంది.

Also Read: Aarti Chabria: ఊహించని ట్విస్ట్ ఇచ్చిన టాలీవుడ్ హీరోయిన్.. నెల కిందటే అమ్మా అయ్యానంటూ!