పెద్ది సినిమా వాయిదా? నిర్మాత ఏం చెప్పారంటే?!

Peddi New Release: కిరణ్ అబ్బవరం, శ్రీ గౌరీ ప్రియ ప్రధాన పాత్రల్లో నటిస్తున్న “చెన్నై లవ్ స్టోరీ” చిత్రానికి సంబంధించిన పాటల విడుదల వేడుకలో ప్రముఖ నిర్మాత SKN ఒక ఆసక్తికరమైన విషయాన్ని వెల్లడించారు. మెగా పవర్ స్టార్ రామ్ చరణ్ అత్యంత ప్రతిష్టాత్మక చిత్రం ‘పెద్ది’ విడుదల తేదీకి సంబంధించి ఆయన చేసిన ప్రకటన ఇప్పుడు టాలీవుడ్ వర్గాల్లో హాట్ టాపిక్‌గా మారింది.

ఆ వేడుకలో నిర్మాత SKN మాట్లాడుతూ.. “దర్శకుడు సాయి రాజేష్ ద్వారా నాకు ఇప్పుడే ఒక సమాచారం అందింది. రామ్ చరణ్ గారి ‘పెద్ది’ చిత్రం జూన్ 26న విడుల‌దల కాబోతున్నట్లు తెలిసింది. నిజానికి మేము కూడా అదే తేదీన మా చిత్రాన్ని విడుదల చేయాలని ప్లాన్ చేశాము. కానీ ఇప్పుడు ‘పెద్ది’ వంటి భారీ చిత్రం ఆ తేదీన వస్తుండటంతో, మేము మా సినిమా విడుదల కోసం ప్రత్యామ్నాయ తేదీలను పరిశీలిస్తాము” అని పేర్కొన్నారు.

Also Read: వివాహిత స్త్రీ ద‌గ్గ‌ర ఎంత బంగారం ఉండొచ్చు?

విడుదల తేదీపై స్పష్టత

రామ్ చరణ్ నటిస్తున్న ఈ చిత్రం ఎప్పుడు విడుదలవుతుందా అని మెగా అభిమానులు ఎంతో ఆసక్తిగా ఎదురుచూస్తున్నారు. గతంలో ఈ సినిమా జూన్ 25న విడుదల కానుందని కొన్ని ఊహాగానాలు వచ్చినప్పటికీ నిర్మాత SKN మాత్రం జూన్ 26ని కొత్త విడుదల తేదీగా పేర్కొన్నారు. దీనిని బట్టి చూస్తే ‘పెద్ది’ చిత్రం జూన్ చివరి వారంలో థియేటర్లలో సందడి చేయడం దాదాపు ఖాయంగా కనిపిస్తోంది.

మెగా అభిమానుల్లో ఉత్సాహం

రామ్ చరణ్ వరుస పాన్ ఇండియా చిత్రాలతో బిజీగా ఉన్న తరుణంలో ‘పెద్ది’ చిత్రంపై భారీ అంచనాలు ఉన్నాయి. ఈ చిత్రానికి సంబంధించిన అధికారిక ప్రకటన, వాయిదా గురించిన ధృవీకరణ త్వరలోనే వెలువడే అవకాశం ఉంది.