Suma: పెళ్లిరోజున అలాంటి సీక్రెట్స్ రివీల్ చేసిన సుమ, రాజీవ్.. వీడియో వైరల్?

Mixcollage 16 Feb 2024 11 09 Am 9385

తెలుగు ప్రేక్షకులకు యాంకర్ సుమ కనకాల ఆమె భర్త రాజీవ్ కనకాల గురించి ప్రత్యేకంగా పరిచయం అక్కర్లేదు. రాజీవ్ కనకాల నటుడిగా ఎన్నో సినిమాలలో నటించి మంచి గుర్తింపు తెచ్చుకున్నారు. ఇక సుమ యాంకర్ గా ఎన్నో షోలకు వ్యవహరించి తనకంటూ ఒక ప్రత్యేకమైన గుర్తింపు ఏర్పరచుకుంది. ఇక ఈ మధ్యకాలంలో సుమ చాలా వరకు టీవీ షోలను తగ్గించి యూట్యూబ్ ఛానల్ పై బాగా ఫోకస్ పెట్టింది. క్యారెక్టర్ ఆర్టిస్ట్‌గా వరుస సినిమాలు చేస్తూ బిజీగా ఉన్నారు. ఇక ఇటీవలె సుమ కనకాల కొడుకు రోషన్ బబుల్ గమ్ అనే సినిమాతో ప్రేక్షకులను పలకరించిన విషయం తెలిసిందే.

ఇకపోతే తాజాగా సుమ ఆమె భర్త రాజు ఇద్దరు వారి 25వ పెళ్లిరోజును చాలా గ్రాండ్ గా సెలబ్రేట్ చేసుకున్నారు. ప్రస్తుతం అందుకు సంబంధించిన వీడియో, ఫోటోస్ కూడా సోషల్ మీడియాలో వైరల్ గా మారాయి. ఈ సందర్భంగా సుమ తన ఛానెల్‌లో భర్త రాజీవ్‌తో కలిసి సందడి చేసారు. వారి పెళ్లినాటి జ్ఞాపకాలను గుర్తు చేసుకున్నారు. సుమ-రాజీవ్‌లది ప్రేమ వివాహ కాగా మొదట్లో వీరి పెళ్లికి పెద్దలు అంగీకరించకపోయినా తర్వాత ఒప్పుకున్నారు. పెళ్లయ్యాక ఇద్దరు వారి వారి కెరియర్స్‌లో బిజీ అయిపోయారు. ఓవైపు పిల్లల బాధ్యతలు నెరవేరుస్తూనే కెరియర్‌లో ముందుకు సాగుతున్నారు. 25వ పెళ్లిరోజును వృద్ధాశ్రమంలో పెద్దల మధ్యలో వేడుకగా జరుపుకున్నారు. కేక్ కట్ చేసి దండలు మార్చుకుని అక్కడి వారందరి ఆశీర్వాదాలు తీసుకున్నారు.

ఆ తర్వాత సుమ సొంత యూట్యూబ్ ఛానెల్‌లో సరదాగా చిట్ చాట్ కార్యక్రమంలో పార్టిసిపేట్ చేసారు. కొన్ని ప్రశ్నలకు సమాధానాలు చెప్పారు. పెళ్లైన కొత్తలో మీ భార్యకు టైమ్ ఇవ్వండి. ఆ తర్వాత ఇవ్వకపోయినా పర్లేదు ఎందుకంటే ఆ తర్వాత వాళ్లు రివేంజ్ తీర్చుకోవడం మొదలుపెట్టారంటే వేరేలా ఉంటుంది.. అంటూ రాజీవ్ సుమని ఉద్దేశించి అన్నారు. ఇంటికి వచ్చేస్తున్నానని చెబుతూ రాజీవ్ చాలాసార్లు అబద్ధాలు చెప్పి ఆలస్యంగా వచ్చేవారిని సుమ కంప్లైంట్ చేసారు. అందుకు రాజీవ్ సుమకి సారీ చెప్పారు. రాజీవ్ మొదటిసారి సారీ చెప్పారంటూ సుమ మురిసిపోయారు. పెళ్లైన తర్వాత భార్యాభర్తలు ఒకరికొకరు టైమ్ ఇచ్చుకోవాలని ముఖ్యంగా పిల్లల విషయంలో బాధ్యతలు పంచుకోవాలని సుమ అన్నారు. మీరు ఎప్పుడైనా ఒకరి ఫోన్ లు ఒకరు చెక్ చేశారా అని అనగా నేనెప్పుడూ అలా చెక్ చేయలేదు అని రాజీవ్ చెప్పడంతో నేను చెక్ చేశాను అని సుమా తెలిపింది. ఎప్పుడు చూసావు అంటూ రాజీవ్ అడగటం.. అందుకు సుమ ఇది జరిగి పది సంవత్సరాలు అయ్యిందని అయినా ఏమీ కనిపించలేదని చెప్పారు. అందుకు రాజీవ్ జాగ్రత్త పడటంలో కింగ్ నేను.. నీకు అర్ధం కాని పేర్లతో సేవ్ చేసాను. అనగానే సుమ వైఫ్ లు జాగ్రత్త పడండి అంటూ నవ్వేసారు.