Prabhas : ‘కల్కి’ సినిమాతో ఫుల్ బిజీగా ఉన్న ప్రభాస్.. ఆ తరువాత రాజాసాబ్, సలార్ 2, స్పిరిట్, హను రాఘవపూడి సినిమాలను చేయనున్నారు. సందీప్ రెడ్డి వంగ డైరెక్ట్ చేయబోయే ‘స్పిరిట్’ సినిమా పై ప్రభాస్ అభిమానుల్లో భారీ అంచనాలు నెలకొన్నాయి. ఈ సినిమా ఎప్పుడు మొదలవుతుందా..? ఎప్పుడు థియేటర్స్ లోకి వస్తుందా..? అని ఎదురు చూస్తున్నారు. ఈ సినిమాలో ప్రభాస్ నిజాయితీగల పోలీస్ ఆఫీసర్ గా నటించనున్నారు.
అంతేకాదు ఈ పాత్ర చాలా పవర్‌ఫుల్, రూత్‌లెస్ గా ఉండబోతుందట. ప్రస్తుతం ఈ మూవీ ప్రీ ప్రొడక్షన్ వర్క్స్ ని జరుపుతున్నారు. కాగా ఈ సినిమాలో ప్రభాస్ కి జోడిగా ఎవరు నటించబోతున్నారు అనేది అందరిలో ఆసక్తిగా మారింది. యానిమల్ సినిమా చూసిన తరువాత చాలా మంది తృప్తి దిమ్రీని హీరోయిన్ గా తీసుకోవాలంటూ సలహాలు కూడా ఇచ్చారు. ఈమధ్య రష్మిక ఈ సినిమాలో హీరోయిన్ గా చేస్తుందంటూ కామెంట్స్ వినిపించాయి.
ఇక తాజాగా మహానటి కీర్తి సురేష్ పేరు వినిపిస్తుంది. ఈ సినిమాలో ప్రభాస్ కి జోడిగా కీర్తి సురేష్ ని తీసుకోవాలని సందీప్ వంగ భావిస్తున్నారట. ఈక్రమంలోనే ఆమెతో చర్చలు కూడా జరుపుతున్నట్లు వార్తలు వినిపిస్తున్నాయి. మరి కీర్తి ఈ ప్రాజెక్ట్ లోకి అడుగుపెడుతుందా లేదా చూడాలి. కాగా ఈ సినిమాని ఈ ఏడాది సెప్టెంబర్ లేదా అక్టోబర్ లో సెట్స్ పైకి తీసుకు వెళ్లనున్నారు. వచ్చే ఏడాది సెకండ్ హాఫ్ లో ఈ సినిమా థియేటర్స్ లోకి వచ్చే అవకాశం ఉంది.
కాగా ప్రభాస్ ఇప్పటివరకు పోలీస్ ఆఫీసర్ పాత్ర పోషించలేదు. ‘ఏక్ నిరంజన్’ సినిమాలో కేవలం పోలీస్ ఇన్ఫార్మర్ గానే కనిపించారు. ఇప్పుడు స్పిరిట్ సినిమాలో ఓ పవర్ ఫుల్ పోలీస్ ఆఫీసర్ గా కనిపించబోతున్నారు. దీంతో ఈ మూవీ పై ఫ్యాన్స్ భారీ అంచనాలే పెట్టుకున్నారు.
Also read : Pawan Kalyan : 2007లో జీసస్ క్రీస్తుపై సినిమా తీయాలని అనుకున్న.. కానీ.. పవన్ కామెంట్స్