Samantha: మరో కమర్షియల్ యాడ్ లో నటించిన సమంత.. నెట్టింట వీడియో వైరల్?

Samantha

టాలీవుడ్ స్టార్ హీరోయిన్ సమంత గురించి ప్రత్యేకంగా పరిచయం అక్కర్లేదు. సమంత ప్రస్తుతం బ్యాక్ టు బ్యాక్ సినిమాలలో నటిస్తూ దూసుకుపోతున్న విషయం తెలిసిందే. ఇలా ఉంటే నేడు సమంత పుట్టినరోజు. ఈ సందర్భంగా అభిమానులు పలువురు సిని ప్రముఖులు ఆమెకు పెద్ద ఎత్తున పుట్టినరోజు శుభాకాంక్షలు తెలుపుతున్నారు. ఒకవైపు సినిమాలలో నటిస్తూనే మరొకవైపు వెబ్ సిరీస్ లలో నటిస్తూ, అలాగే పలు కమర్షియల్ యాడ్స్ లో కూడా నటిస్తూ బాగానే సంపాదిస్తోంది సమంత. సమంత ఇప్పటికే పలు బ్రాండ్ లకు అంబాసిడర్ గా వ్యవహరిస్తున్న విషయం తెలిసిందే.

తాజాగా మరో బ్రాండ్ ఆఫర్ కొట్టేసింది సమంత. ప్రముఖ సాఫ్ట్ డ్రింక్ కంపెనీ పెప్సీ సమంతను బ్రాండ్ అంబాసిడర్ గా ఎంపిక చేసింది. తాజాగా ఆమెతో చేసిన పెప్సీ యాడ్ రిలీజ్ చేశారు. ఇందులో డిఫరెంట్ లుక్స్ లో సామ్ కనిపిస్తూ పెప్సీ తాగమని ప్రమోట్ చేస్తోంది. పెళ్లి కూతురు గెటప్ నుంచి యాక్షన్ హీరోయిన్ లుక్ వరకు సమంత కనిపించడం విశేషం. అందుకు సంబంధించిన వీడియోని సమంత తన ఇంస్టాగ్రామ్ ఖాతాలో షేర్ చేసింది. ఆ వీడియో ప్రస్తుతం సోషల్ మీడియాలో వైరల్ అవుతోంది. ఇకపోతే సమంత కెరియర్ విషయానికి వస్తే.. ఇటీవలె శాకుంతలం సినిమాతో ప్రేక్షకులను పలకరించింది సమంత.

కోట్ల బడ్జెట్తో నిర్మితమైన ఈ సినిమా భారీ అంచనాల నడుమ విడుదల అయ్యి ఊహించిన విధంగా డిజాస్టర్ గా నిలిచింది. ఇది ఇలా ఉంటే సమంత ప్రస్తుతం విజయ్ దేవరకొండ హీరోగా నటిస్తున్న ఖుషి సినిమాలో హీరోయిన్గా నటిస్తున్న విషయం తెలిసిందే. సిటాడెల్ అనే హిందీ వెబ్ సిరీస్ లో కూడా నటిస్తోంది. ఇందులో బాలీవుడ్ స్టార్ వరుణ్ ధావన్ నటిస్తున్నారు. ఈ వెబ్ సిరీస్ కి సంబంధించిన షూటింగ్ శరవేగంగా జరుగుతోంది.