విజ‌య్ దేవ‌ర‌కొండ‌- ర‌ష్మిక పెళ్లి ఫొటోలు ఇవే!

Rashmika-Vijay Wedding: రష్మిక మందన్న- విజయ్ దేవరకొండ ఇప్పుడు తమ బంధాన్ని వివాహ బంధంగా మార్చుకున్నారు. ‘గీత గోవిందం’, ‘డియర్ కామ్రేడ్’ వంటి తెలుగు చిత్రాల్లో వెండితెర జంటగా అలరించిన వీరిద్దరూ ఇప్పుడు నిజ జీవితంలో కూడా ఒక్కటయ్యారు. ఉదయ్‌పూర్‌లోని ఐటిసి మెమెంటోస్ (ITC Mementos) వేదికగా ఉదయం తెలుగు సంప్రదాయ పద్ధతిలో రష్మిక- విజయ్ వివాహం జరిగింది. సాయంత్రం కొడవ ఆచారాల ప్రకారం ఈ జంట రెండోసారి వివాహ వేడుక జరుపుకోనుంది.

పెళ్లి తర్వాత ఫోటోలను పంచుకున్న రష్మిక- విజయ్

ఈ రోజు ఉదయం ఉదయ్‌పూర్‌లో జరిగిన తమ వివాహానికి సంబంధించిన మొదటి ఫోటోలను రష్మిక మందన్న, విజయ్ దేవరకొండ ఇన్‌స్టాగ్రామ్‌లో షేర్ చేశారు.

Also Read: ఎన్‌సీఈఆర్‌టీ వివాదం.. ప్ర‌ధాని మోదీ అస‌హ‌నం!

విజయ్ దేవరకొండ తన పోస్ట్‌లో ఇలా రాశారు. ఒకరోజు, నేను ఆమెను చాలా మిస్ అయ్యాను. ఆమె పక్కన ఉంటే నా రోజు ఇంకా బాగుంటుందనిపించేలా ఆమెను మిస్ అయ్యాను. ఆమె నా ఎదురుగా కూర్చుంటే, నేను తినే భోజనం ఇంకా పరిపూర్ణంగా ఉంటుందనిపించింది. ఆమె నాతో కలిసి వ్యాయామం చేస్తే, నా వర్కౌట్స్ శిక్షలా కాకుండా సరదాగా అనిపించేవి. నేను ఎక్కడ ఉన్నా సరే.. ఒక ప్రశాంతతను, ఇంటి అనుభూతిని పొందడానికి నాకు ఆమె కావాలనిపించింది. అందుకే నా బెస్ట్ ఫ్రెండ్‌ను.. నా భార్యగా ఈరోజు మార్చుకున్నాను అని రాసుకొచ్చారు.

రష్మిక మందన్న తన పోస్ట్‌లో ఇలా పేర్కొన్నారు. హాయ్ ఇప్పుడు మీకు ‘నా భర్త’ను పరిచయం చేస్తున్నాను! మిస్టర్ విజయ్ దేవరకొండ!! నిజమైన ప్రేమ ఎలా ఉంటుందో నాకు నేర్పిన వ్యక్తి.. ప్రశాంతంగా ఉండటం అంటే ఏమిటో నాకు చూపించిన వ్యక్తి! పెద్ద కలలు కనడం తప్పు కాదని నాకు ప్రతిరోజూ చెప్పి, నేను ఊహించిన దానికంటే ఎంతో ఎత్తుకు ఎదిగే సామర్థ్యం నాలో ఉందని నిరంతరం నన్ను ప్రోత్సహించే వ్యక్తి! ఎవరూ చూడటం లేదన్నట్టుగా నన్ను మనస్ఫూర్తిగా డ్యాన్స్ చేయనిచ్చే మనిషి. స్నేహితులతో ప్రయాణం చేయడం అనేది ప్రపంచంలోనే అత్యుత్తమమైన విషయమని నాకు చూపించిన వ్యక్తి.. నమ్మండి, ఈయన గురించి నేను ఒక పుస్తకమే రాయగలను! నేను ఏ విధమైన మహిళగా మారాలని కలలు కన్నానో, ఈ రోజు నేను ఆ స్థాయికి చేరుకున్నానంటే దానికి కారణం మీరే! నేను నిజంగా ఆశీర్వదించబడ్డాను! విజ్జూ, నీపై నాకున్న భావాలను వర్ణించడానికి నా దగ్గర ఎప్పుడూ మాటలు సరిపోవు!! నీకు అది ఎప్పుడూ చెబుతూనే ఉంటాను!! కానీ అకస్మాత్తుగా నా విజయాలు, పోరాటాలు, సంతోషం, బాధ, జీవితం – ప్రతిదానికీ ఇప్పుడు ఒక అర్థం దొరికింది – ఎందుకంటే వీటన్నింటికీ సాక్షిగా నా జీవితంలో అతిపెద్ద భాగంగా నువ్వు ఉన్నావు! నీ భార్యగా మారడం నాకు చాలా చాలా ఉత్సాహంగా ఉంది! నీ భార్య అని పిలిపించుకోవడానికి ఎంతో ఆరాటపడుతున్నాను!! ఇక అంతా పార్టీ టైమే!! ఇద్దరం కలిసి మన జీవితాన్ని అత్యంత అద్భుతంగా గడుపుదాం! ఐ లవ్ యూ! అని రాసుకొచ్చింది.