Rakul Preet Singh: పెళ్లి తర్వాత భర్తతో కలిసి మొదటిసారి డాన్స్ చేసిన రకుల్.. నెట్టింట వీడియో వైరల్?

Mixcollage 05 Mar 2024 03 15 Pm 5586

బాలీవుడ్ ప్రేమ జంట జాకీ భగ్నానీ, రకుల్ ప్రీత్ సింగ్ ఇటీవల పెళ్లితో ఒక్కటైన విషయం తెలిసిందే.
దాదాపు మూడేళ్ళుగా డేటింగ్ లో ఉన్న ఈ జంట ఫిబ్రవరి 21న మూడుముళ్ల బంధంతో ఏడు అడుగులు వేశారు. గోవాలో కుటుంబసభ్యులు మరియు సన్నిహితుల మధ్య వీరి వివాహం ఘనంగా జరిగింది. ఇక ఈ పెళ్లి అయిన దగ్గర నుంచి మ్యారేజ్ కి సంబంధించిన ఫోటోలను, వీడియోలను షేర్ చేస్తూ రకుల్ సందడి చేస్తున్నారు. ఇది ఇలా ఉంటే తాజాగా ఈ జంటకు సంబంధించిన ఒక వీడియో వైరల్ గా మారింది.

తాజాగా ఈ నవ దంపతులు చేసిన ఒక డాన్స్ రీల్ వీడియో నెట్టింట వైరల్ గా మారింది. పెళ్లి తరువాత భర్తతో కలిసి తొలిసారి ఇన్‌స్టా డాన్స్ రీల్ చేశారు రకుల్ ప్రీత్. అయితే ఈ డాన్స్ రీల్ ఒక ఛాలెంజ్ లో భాగంగా చేశారు. బాలీవుడ్ స్టార్ హీరోలు అక్షయ్ కుమార్, టైగర్ ష్రాఫ్ కలిసి నటిస్తున్న సినిమా బడే మియా ఛోటే మియా ఈ మూవీ నుంచి ఇటీవల మస్త్ మలంగ్ ఝుమ్అనే పాటని రిలీజ్ చేశారు. ఆ పాటని ఇన్‌స్టా రీల్ తో టైగర్ ష్రాఫ్ రీ క్రియేట్ చేసి.. బాలీవుడ్ స్టార్స్ వరుణ్ ధావన్, రకుల్, జాకీ భగ్నానీ అండ్ తన ఫ్యాన్స్ కి ఛాలెంజ్ ఇచ్చారు.

ఆ పాటలోని స్టెప్పులను రీ క్రియేట్ చేస్తూ రీల్ చేయాలంటూ పిలుపునిచ్చారు. ఇక టైగర్ ఇచ్చిన ఛాలెంజ్ ని అంగీకరిస్తూ రకుల్ అండ్ జాకీ కలిసి ఆ డాన్స్ వీడియో చేశారు. కొత్త జంట కొత్త పాటకి స్టెప్పులు వేస్తుంటే నెటిజెన్స్ ఫిదా అయ్యిపోయారు. ఆ వీడియో పై నెటిజన్స్ కామెంట్ల వర్షం కురిపిస్తున్నారు. సూపర్, నైస్, డాన్స్ సూపర్ అంటూ కామెంట్స్ చేస్తున్నారు.