Rajinikanth : ‘కూలీ’ సినిమాకి రజినీకాంత్ అన్ని కోట్లు రెమ్యూనరేషన్ తీసుకుంటున్నారా..?

Rajinikanth Charge Huge Remuneration For Lokesh Kanagaraj Coolie Movie

Rajinikanth : సూపర్ స్టార్ రజినీకాంత్ తన 171వ చిత్రాన్ని లోకేష్ కనగరాజ్ దర్శకత్వంలో చేయబోతున్న విషయం తెలిసిందే. ఇటీవలే ఈ మూవీ టైటిల్ ని అనౌన్స్ చేస్తూ మేకర్స్ ఓ గ్లింప్స్ ని రిలీజ్ చేసి ఆడియన్స్ లో భారీ క్రేజ్ ని క్రియేట్ చేసారు. ఈ సినిమాకి ‘కూలీ’ అనే మాస్ టైటిల్ ని మేకర్స్ అనౌన్స్ చేసారు. ప్రస్తుతం ప్రీ ప్రొడక్షన్ వర్క్స్ జరుపుకుంటున్న ఈ మూవీ.. జూన్ లో రెగ్యులర్ షూటింగ్ మొదలుపెట్టుకోనుంది. సన్ పిక్చర్స్ ఈ చిత్రాన్ని భారీ బడ్జెట్ తో నిర్మిస్తున్నారు.

రజిని గత చిత్రం ‘జైలర్’ని కూడా ఈ సంస్థే నిర్మించింది. ఇక ఆ సినిమా భారీ విజయం సాధించడంతో నిర్మాత కలానిథి మారన్.. రజినీకాంత్ కి ఖరీదైన కారు, అలాగే 210 కోట్ల భారీ రెమ్యూనరేషన్ ని అందించారు. ఇక ఇప్పుడు లోకేష్ కానగరాజ్ డైరెక్షన్ లో చేయబోతున్న ఈ క్రేజ్ ప్రాజెక్ట్ కోసం కూడా రజినికి భారీ పారితోషకాన్ని అప్పజెప్పారట. ఈ మూవీ కోసం రజినీకాంత్ కి అక్షరాలా రూ.260 కోట్ల రెమ్యూనరేషన్ ని ఇచ్చినట్లు ఫిలిం వర్గాల్లో వార్తలు వినిపిస్తున్నాయి. అలాగే లోకేష్ కనగరాజ్ కూడా 60 కోట్ల భారీ రెమ్యూనరేషన్ తీసుకున్నట్లు చెబుతున్నారు.

మరి ఈ వార్తల్లో ఎంత నిజముందో తెలియదు గాని, ప్రస్తుతం ఈ న్యూస్ నెట్టింట వైరల్ గా మారింది. కాగా ఈ మూవీని గోల్డ్ మాఫియా బ్యాక్‌డ్రాప్ తో లోకేష్ కనగరాజ్ తెరకెక్కించబోతున్నారు. దీనిబట్టి అర్ధమవుతుంది ఏంటంటే.. LCU సినిమాటిక్ యూనివర్స్ ని ఈ చిత్రాన్ని ఎటువంటి సంబంధం లేదని. మరి ఈ కొత్త కథాంశంతో ఇంకో యూనివర్స్ ఏమైనా క్రియేట్ చేస్తారేమో చూడాలి.

కాగా ఈ మూవీలో రజినితో పాటు మరికొంతమంది స్టార్ హీరోలు కూడా కనిపించబోతున్నారని టాక్ వినిపిస్తుంది. తెలుగు నుంచి నాగార్జున, హిందీ నుంచి అమితాబ్ బచ్చన్.. ఈ సినిమాలో నటించబోతున్నారని వార్తలు వస్తున్నాయి. వీటిలో ఎంత నిజముందో అనేది తెలియాల్సి ఉంది.

Also read Varalaxmi Sarathkumar: లైఫే రిస్క్.. హిట్టూ ఫ్లాపులను ఎవరూ జడ్జ్ చేయలేరు