Pushpa 2: యశ్ రికార్డ్ ని బన్నీ బద్దలు కొట్టనున్నాడా.. పై చేయి మాత్రం ఆ హీరోదే!

Pushpa 2

టాలీవుడ్ పాన్ ఇండియా హీరో అల్లు అర్జున్ గురించి మనందరికీ తెలిసిందే. బన్నీ ప్రస్తుతం సుకుమార్ దర్శకత్వంలో రూపొందుతున్న పుష్ప 2 మూవీలో నటిస్తూ ఫుల్ బిజీబిజీగా గడుపుతున్నాడు. ప్రస్తుతం ఈ మూవీకి సంబంధించిన షూటింగ్ శరవేగంగా జరుగుతోంది. ఆ సంగతి పక్కన పెడితే ఈ నెల అనగా ఏప్రిల్ 8న అల్లు అర్జున్ పుట్టినరోజు అన్న విషయం తెలిసిందే. ఇక అల్లు అర్జున్ పుట్టిన రోజు కోసం అభిమానులు ఎంతో ఆత్రుతగా ఎదురుచూస్తున్నారు. ఎందుకంటే పుష్ప 2 కు సంబంధించిన టీజర్ ఏప్రిల్ 8న విడుదల కానుంది.

We’re now on WhatsApp. Click to Join
దీంతో ఆ రోజు కోసం అభిమానులు ఎప్పటి నుంచో ఎదురుచూస్తున్నారు. పాన్ ఇండియా మూవీ పుష్ప 2 ప్రేక్షకుల ముందుకు రాకముందే జరగబోయే ప్రమోషన్స్ కి ఈ టీజర్ వేదికకానుంది. ఇక విషయానికి వస్తే కేజీఎఫ్ 2, పుష్ప 2 బాక్సాఫీస్ క్లాష్ కానప్పటికీ, కేజీఎఫ్ 2 ఆల్ టైమ్ రికార్డ్ సాధించడం చర్చనీయాంశంగా మారింది. కేజీఎఫ్ 2 టీజర్ 275 మిలియన్ వ్యూస్ తో ఇండియన్ సినిమాలో ఇప్పటివరకు మోస్ట్ లైక్స్ పొందిన టీజర్ గా నిలిచింది. మరే భారతీయ సినిమా టీజర్ కూడా ఈ టీజర్ కు దగ్గరగా లేదని టాలీవుడ్ టాక్. దీంతో యూట్యూబ్ లో కేజీఎఫ్ 2 ఆల్ టైమ్ రికార్డ్ ను పుష్ప 2 టచ్ చేయగలదా అనే ప్రశ్న ప్రస్తుతం హాట్ టాపిక్ గా మారింది.

Also Read: Rashmika-Vijay: విజయ్ దేవరకొండలో నాకు నచ్చేవి నచ్చని క్వాలిటీస్ అవే : రష్మిక

అయితే పుష్ప మూవీ ఊహించిన దాని కంటే హిట్ అవ్వడం, అల్లు అర్జున్ నటన హైలైట్ గా నిలవడంతో ఈ రికార్డు కొట్టడం సాధ్యమేనని భావిస్తున్నారు సినీ క్రిటిక్స్. యూట్యూబ్ వ్యూస్ ఒక రకంగా చెప్పాలంటే ఒక సినిమా రీచ్ ను, ప్రేక్షకుల్లో మరిన్ని భారీ అంచనాలు నెలకొల్పేలా చేస్తుంది. ఇది సినిమాకు బిగ్ మైలేజీగా నిలుస్తుందని చెప్పక తప్పదు. కేజీఎఫ్ 2 విషయంలో ఈ విషయం రుజువైంది. బాక్సాఫీస్ వద్ద కలెక్షన్లకు నిదర్శనంగా నిలిచింది. కాబట్టి యూట్యూబ్ లో పుష్ప 2కు లభించిన ఆదరణ చూస్తే దాని రీచ్ ఏ స్థాయిలో ఉందో అర్థం అవుతుంది.

Also Read: Dil Raju: రెండో పెళ్లిపై వచ్చిన ట్రోల్స్ పై స్పందించిన దిల్ రాజు.. అవి చూసి నా భార్య అలా?