Pushpa 2 : కౌంట్ డౌన్ పోస్టర్ తో పూనకాలు స్టార్ట్ చేసిన పుష్ప టీం

Pushpa 2 New Poster

అల్లు అర్జున్ – సుకుమార్ (Allu Arjun – Sukumar)కలయికలో వస్తున్న పుష్ప 2 (Pushpa 2)పూనకాలు స్టార్ట్ అయ్యాయి. ఏప్రిల్ 8న అల్లు అర్జున్ బర్త్ డే సందర్భంగా పుష్ప-2 టీజర్ విడుదల కానుంది. ఈ టీజర్ బన్నీ ఫ్యాన్స్ పూనకాలెత్తేలా ఉండనుందని మేకర్స్ చెపుతూ వస్తుండడం తో టీజర్ ఏ రేంజ్ లో ఉంటుందో అని అభిమానులంతా వెయ్యి కళ్లతో ఎదురుచూస్తున్నారు. ఈ తరుణం లోనే మేకర్స్ కౌంట్ డౌన్ పోస్టర్ను విడుదల చేశారు. ఈ పోస్టర్ లో అల్లు అర్జున్ ముఖానికి కుంకుమ పూసుకొని ఓ చేత్తో శంఖం ఊదుతూ..మరో చేత్తో త్రిశూలం పట్టుకొని ఉన్నట్లు కనిపిస్తుంది. ఈ పోస్టర్ సినిమాపై మరిన్ని అంచనాలు పెంచుతోంది.

We’re now on WhatsApp. Click to Join.

పుష్ప 2 కథ ఏ రేంజ్ లో ఉంటుందో..బన్నీ యాక్షన్ ఎలా ఉంటుందో..సాంగ్ ఎలా ఉండబోతాయో అంటూ ఈ పోస్టర్ చూసి మాట్లాడుకోవడం మొదలుపెట్టారు. ఇదిలా ఉంటె ఈరోజు రష్మిక పుట్టిన రోజు సందర్బంగా పుష్ప టీం సరికొత్త పోస్టర్ ను రిలీజ్ చేసి ఆకట్టుకున్నారు. ఈ మూవీలో శ్రీవల్లి పాత్రలో రష్మిక నటిస్తున్న సంగతి తెలిసిందే. ఈ పోస్టర్ లో రష్మిక పట్టుచీర కట్టుకొని, ఒంటి నిండా బంగారం, చేతికి గాజులు, మెడలో హారాలు, నల్లపూసలు, నడుముకి వడ్డాణంతో ఒళ్ళంతా బంగారంతో ధగధగలాడుతుంది. మైత్రీ మూవీ మేకర్స్ బ్యానర్ లో వస్తున్న పుష్ప-2 శరవేగంగా షూటింగ్ జరుపుకుంటోంది. ఈ చిత్రానికి దేవిశ్రీ ప్రసాద్ సంగీతం అందిస్తున్నారు. ఈ చిత్రం ఆగస్టు 15న వరల్డ్ వైడ్ ప్రేక్షకుల ముందుకు రానుంది.

Read Also : Meera Jasmine: మొదటిసారి ఫ్యామిలీ ఫోటో ని షేర్ చేసిన మీరా జాస్మిన్.. పోస్ట్ వైరల్!