Mamitha Baiju : తమిళ్ స్టార్ హీరో విజయ్(Vijay) రాజకీయాల్లోకి ఎంట్రీ ఇవ్వడంతో ఇటీవలే తన లాస్ట్ సినిమా ప్రకటించాడు. KVN ప్రొడక్షన్స్ బ్యానర్ పై H వినోద్ దర్శకత్వంలో విజయ్ లాస్ట్ సినిమా తెరకెక్కనుంది. ఇది విజయ్ కు 69వ సినిమా. తాజాగా నేడు ఈ సినిమాలో నటించేవాళ్లని మూవీ యూనిట్ అధికారికంగా ప్రకటిస్తుంది.
ఇప్పటికే ఈ సినిమాలో బాలీవుడ్ స్టార్ బాబీ డియోల్ విలన్ గా నటించబోతున్నట్టు, పూజాహెగ్డే హీరోయిన్ గా నటించబోతున్నట్టు మూవీ యూనిట్ అధికారికంగా ప్రకటించింది. తాజాగా ప్రేమలు బ్యూటీ మమిత బైజు ఈ సినిమాలో ఓ ముఖ్య పాత్ర పోషించబోతున్నట్టు మూవీ యూనిట్ ప్రకటించారు.
మలయాళంలో పలు సినిమాలు చేసినా అంతగా రాని గుర్తింపు ఒక్క ప్రేమలు సినిమాతో వచ్చింది మమిత బైజుకి. మలయాళంలో హిట్ అయిన ప్రేమలు సినిమా ఆ తర్వాత తమిళ్, తెలుగులో కూడా రిలీజ్ చేయడంతో ఇక్కడ కూడా భారీ విజయం సాధించింది. ఈ సినిమాలో మమిత క్యూట్ నటనకు, డ్యాన్స్ కు అభిమానులు ఫిదా అయిపోయారు. ముఖ్యంగా యువత అంతా ఆమె ఫ్యాన్స్ అయిపోయారు. ఒక్క సినిమాతో స్టార్ డమ్ తెచ్చుకుంది మమిత బైజు. ఇప్పుడు ఏకంగా విజయ్ లాస్ట్ సినిమాలో ఛాన్స్ దక్కించుకోవడంతో ఆమె లక్కు మాములుగా లేదుగా అని కామెంట్స్ చేస్తున్నారు ఫ్యాన్స్, నెటిజన్లు.
We are happy to ‘OFFICIALLY’ announce that Mini Maharani #MamithaBaiju joins #Thalapathy69 cast 😁 #Thalapathy69CastReveal#Thalapathy @actorvijay sir #HVinoth @thedeol @hegdepooja @anirudhofficial @Jagadishbliss @LohithNK01 pic.twitter.com/PNwYBqCAiS
— KVN Productions (@KvnProductions) October 2, 2024