- ప్రభాస్ సరికొత్త రికార్డు
- భారత సినీ చరిత్రలో అరుదైన రికార్డు
- తన కెరీర్లో వరుసగా ఆరు చిత్రాలకు (సిక్స్) మొదటి రోజే రూ. 100 కోట్లకు పైగా ఓపెనింగ్స్ అందుకున్న ఏకైక హీరో
భారతీయ సినీ చరిత్రలో తిరుగులేని బాక్సాఫీస్ కింగ్గా ప్రభాస్ తన స్థానాన్ని మరోసారి సుస్థిరం చేసుకున్నారు. ప్రభాస్ హీరోగా, మారుతి దర్శకత్వంలో రూపొందిన ‘రాజాసాబ్’ చిత్రం బాక్సాఫీస్ వద్ద సరికొత్త చరిత్రను సృష్టించింది. విడుదలైన మొదటి రోజే ఈ సినిమా ప్రపంచవ్యాప్తంగా రూ. 112 కోట్ల గ్రాస్ వసూళ్లను సాధించి అందరినీ ఆశ్చర్యపరిచింది. హారర్ కామెడీ జోనర్లో వచ్చినప్పటికీ, ప్రభాస్ మేనరిజమ్స్ మరియు స్క్రీన్ ప్రెజెన్స్కు ప్రేక్షకులు బ్రహ్మరథం పట్టారు. ఈ భారీ వసూళ్లతో ప్రభాస్ మరోసారి తన గ్లోబల్ స్టార్ ఇమేజ్ను చాటిచెప్పారు. సౌత్ ఇండియా నుంచి నార్త్ ఇండియా వరకు అన్ని ప్రాంతాల్లోనూ ‘రాజాసాబ్’ వసూళ్ల వర్షం కురిపిస్తోంది.
Raajasaabh collections
భారత సినీ చరిత్రలో అరుదైన రికార్డు భారతీయ చలనచిత్ర పరిశ్రమలో ఇప్పటివరకు ఏ నటుడికీ సాధ్యం కాని రీతిలో ప్రభాస్ ఒక అద్భుతమైన రికార్డును తన ఖాతాలో వేసుకున్నారు. తన కెరీర్లో వరుసగా ఆరు చిత్రాలకు (సిక్స్) మొదటి రోజే రూ. 100 కోట్లకు పైగా ఓపెనింగ్స్ అందుకున్న ఏకైక హీరోగా ఆయన నిలిచారు. గతంలో బాహుబలి 2, సాహో, ఆదిపురుష్, సలార్, మరియు కల్కి 2898 AD చిత్రాలు ఈ మైలురాయిని అందుకోగా, ఇప్పుడు ‘రాజాసాబ్’ ఆ జాబితాలో చేరిపోయింది. ఈ ఫీట్ సాధించిన మరే ఇతర ఇండియన్ సూపర్ స్టార్ ప్రభాస్ దరిదాపుల్లో కూడా లేకపోవడం విశేషం.
సోషల్ మీడియాలో ‘బాక్సాఫీస్ బాద్షా’ సందడి ప్రభాస్ సాధించిన ఈ అరుదైన ఘనతతో సోషల్ మీడియా వేదికగా అభిమానుల కోలాహలం మిన్నంటుతోంది. “ప్రభాస్ సిక్స్ కొట్టారు.. బాక్సాఫీస్ బాద్షాగా నిలిచారు” అంటూ అభిమానులు ట్విట్టర్ (X), ఇన్స్టాగ్రామ్లో ట్రెండ్ చేస్తున్నారు. సినిమా రిజల్ట్తో సంబంధం లేకుండా కేవలం ప్రభాస్ అనే పేరుతోనే థియేటర్లకు జనం పోటెత్తుతుండటం ఆయనకున్న క్రేజ్కు నిదర్శనం.