పవన్ కళ్యాణ్ మోస్ట్ అవేటెడ్ ఫిలిం ‘OG’ సీక్వెల్ (లేదా ప్రీక్వెల్) గురించి ప్రస్తుతం టాలీవుడ్లో ఒక ఆసక్తికరమైన వార్త చక్కర్లు కొడుతోంది. గత ఏడాది విడుదలైన ‘OG’ బాక్సాఫీస్ వద్ద పవన్ కళ్యాణ్ కెరీర్లోనే రికార్డు స్థాయి వసూళ్లను సాధించి, అభిమానులను ఉర్రూతలూగించింది. ఇప్పుడు ఈ సినిమాకు రాబోయే రెండో భాగం విషయంలో పవన్ ఒక కీలక నిర్ణయం తీసుకున్నట్లు తెలుస్తోంది. తాజా సమాచారం ప్రకారం, ‘OG 2’ చిత్రాన్ని పీపుల్ మీడియా ఫ్యాక్టరీతో కలిసి పవన్ కళ్యాణ్ సొంత నిర్మాణ సంస్థ ‘పీకే క్రియేటివ్ వర్క్స్’ (PK Creative Works) సంయుక్తంగా నిర్మించనుంది. నటుడిగానే కాకుండా నిర్మాతగా కూడా ఈ ప్రాజెక్టులో భాగస్వామి కావడం ద్వారా సినిమాపై తనకున్న నమ్మకాన్ని, పట్టును పవన్ చాటుకుంటున్నారని విశ్లేషకులు భావిస్తున్నారు.
ప్రీక్వెల్ దిశగా సుజీత్ ఆలోచన.. జపాన్ బ్యాక్డ్రాప్లో కథ
దర్శకుడు సుజీత్ ఈసారి ‘OG 2’ని సీక్వెల్ లా కాకుండా, అసలు కథకు ముందు ఏం జరిగిందనే ‘ప్రీక్వెల్’ అంశాలతో తెరకెక్కించే ఆలోచనలో ఉన్నట్లు సమాచారం. మొదటి భాగంలో కేవలం ప్రస్తావించిన కొన్ని టైమ్ లైన్లను, ముఖ్యంగా జపాన్ నేపధ్యంలో నడిచే గ్యాంగ్స్టర్ డ్రామాను ఈ సినిమాలో కూలంకషంగా చూపించబోతున్నారట. ప్రస్తుతం నానితో చేయాల్సిన ‘బ్లడీ రోమియో’ ఆలస్యం కావడంతో, దొరికిన సమయాన్ని సుజీత్ పూర్తిగా ‘OG 2’ స్క్రిప్ట్ మెరుగుపరచడానికే వెచ్చిస్తున్నారు. జపాన్ యాక్షన్ ఎపిసోడ్స్ ఈ సినిమాకు ప్రధాన ఆకర్షణగా నిలవనున్నాయి.
షూటింగ్ ఎప్పుడు? అభిమానుల అంచనాలు
ప్రస్తుతం పవన్ కళ్యాణ్ రాజకీయ బాధ్యతలతో పాటు సురేందర్ రెడ్డి సినిమాను పూర్తి చేయాల్సి ఉంది. ఆ ప్రాజెక్టు ముగిసిన వెంటనే, అంటే వచ్చే ఏడాది (2027) ద్వితీయార్ధంలో ‘OG 2’ సెట్స్ పైకి వెళ్లే అవకాశం కనిపిస్తోంది. మొదటి భాగంలో మిస్ అయిన ఎమోషన్స్ మరియు పవన్ కళ్యాణ్ మార్క్ గ్యాంగ్స్టర్ ఎలివేషన్లను ఇందులో మరింత పవర్ఫుల్గా చూపించాలని సుజీత్ ప్లాన్ చేస్తున్నారు. సొంత బ్యానర్లో నిర్మిస్తుండటంతో ప్రొడక్షన్ వాల్యూస్ విషయంలో ఎక్కడా రాజీ పడకుండా అంతర్జాతీయ స్థాయిలో ఈ చిత్రాన్ని తీర్చిదిద్దే ప్రయత్నాలు జరుగుతున్నాయి.