NTR Prabhas : ఎన్టీఆర్ ప్రభాస్ మధ్యలో యష్..!

Ntr Prabhas In Between Yash

NTR Prabhas కన్నడ పరిశ్రమ నుండి వచ్చిన దర్శకుడు ప్రశాంత్ నీల్ ఇండియా రేంజ్ లో సూపర్ హిట్లు కొడుతున్నాడు. యష్ హీరోగా కేజిఎఫ్ పార్ట్ 1, 2 సినిమాలతో బ్లాక్ బాస్టర్ హిట్లు అందుకున్న ప్రశాంత్ నీల్. లాస్ట్ ఇయర్ డిసెంబర్ లో ప్రభాస్ తో తీసిన సలార్ పార్ట్ 1 తో కూడా మరో సూపర్ హిట్ కొట్టాడు. ప్రశాంత్ నీల్ సినిమా అంటే చాలు బాక్సాఫీస్ దూకుడు మొదలైనట్టే లెక్క. సలార్ 1 తర్వాత అసలైతే యంగ్ టైగర్ ఎన్టీఆర్ తో సినిమా మొదలు పెట్టాల్సి ఉంది. అయితే సలార్ 2 ని ముందు ఫినిష్ చేసి ఆ తర్వాత ఎన్టీఆర్ సినిమా సెట్స్ మీదకు తీసుకెళ్లాలని అనుకున్నారు.

కానీ అందుతున్న సమాచారం మేరకు ప్రశాంత్ నీల్ ప్లాన్ మార్చినట్టు తెలుస్తుంది. KGF 1, 2 సినిమా తర్వాత కేజీఎఫ్ 3 కూడా ఉంటుందని చెప్పారు. ప్రస్తుతం ప్రశాంత్ నీల్ KGF 3 సినిమానే ముందు చేసేలా ప్లాన్ చేస్తున్నాడు. మొన్నటిదాకా KGF 3 గురించి అసలు ఏమాత్రం డిస్కషన్ లోకి తీసుకురాని ప్రశాంత్ నీల్ ఇప్పుడు ముందు KGF 3 పూర్తి చేశాకే తర్వాత సినిమాలు అంటున్నాడు.

KGF 3 తర్వాత ఎన్టీఆర్ సెట్స్ మీదకు తీసుకెళ్లాలని చూస్తున్నారు. ఎన్టీఆర్ ప్రస్తుతం చేస్తున్న దేవర, వార్ 2 సినిమాలు పూర్తి చేస్తే ప్రశాంత్ నీల్ సినిమా షురూ చేయనున్నారు. సో యష్ తో KGF 3 ఎన్టీఆర్ తో సినిమా పూర్తి చేశాకే సలార్ 2 ఉంటుందని సినీ వర్గాల సమాచారం. సో అలా అయితే సలార్ 2 కోసం రెబల్ స్టార్ ఫ్యాన్స్ మరో మూడేళ్లు వెయిట్ చేయాల్సిందే. ప్రశాంత్ నీల్ ప్లానింగ్ ఏమో కానీ ఈ న్యూస్ నిజమైతే రెబల్ స్టార్ ఫ్యాన్స్ తీవ్ర అసంతృప్తికి లోనయ్యే అవకాశం ఉంది.

Also Read : Raviteja Eagle : ఈగల్ లేటెస్ట్ కలెక్షన్స్.. ఆ మార్క్ దాటేసిన మాస్ రాజా..!