Krishna : ఎన్టీఆర్ నుంచి కృష్ణకు చేరిన కథ.. కట్ చేస్తే చరిత్ర సృష్టించింది.. ఆ సినిమా ఏంటో తెలుసా?

NTR Dream Project done by Krishna Alluri Seetharamaraju Movie History

సూపర్ స్టార్ కృష్ణ(Krishna)ని అందరూ డేరింగ్ అండ్ డాషింగ్ హీరో అని పిలుస్తారు. ఎందుకంటే సినిమాల్లో ఆయన తీసుకున్న నిర్ణయాలు అలాంటివి. ఆయన చేసిన ప్రయోగాలతో తెలుగు తెర ఎన్నో కొత్త హంగులను అద్దుకుంది. ఫస్ట్ సినిమా స్కోప్ సినిమా – అల్లూరి సీతారామరాజు, ఫస్ట్ ఈస్ట్ మాన్ కలర్ సినిమా – ఈనాడు, ఫస్ట్ 70MM సినిమా – సింహాసనం, ఫస్ట్ DTS సినిమా – తెలుగువీర లేవరా, ఫస్ట్ కౌ బాయ్ సినిమా – మోసగాళ్లకు మోసగాడు, ఫస్ట్ జేమ్స్ బాండ్ సినిమా – గూఢచారి 116.. ఇలా ఎంతో కొత్తదనాన్ని పరిచయం చేశారు.

ఇక ఇదే ధైర్యంతో ఇండస్ట్రీలో ఎంతో మంది వద్దు అంటున్నా వినకుండా డేరింగ్ అండ్ డాషింగ్ తో ముందుకు వెళ్తూ చేసిన సినిమా ‘అల్లూరి సీతారామరాజు’. 1974లో రిలీజ్ అయిన ఈ సినిమా ఒక చరిత్ర సృష్టించింది. అయితే ఈ కథలో సీనియర్ ఎన్టీఆర్ నటించాలని దగ్గర ఉండి తానే రచయితల చేత సిద్ధం చేయించుకున్నారు. ఈ సినిమాని అనౌన్స్ చేసి కొన్ని రోజులు కూడా షూటింగ్ చేశారు ఎన్టీఆర్. కానీ ఆ మూవీ అనేక కారణాలు వల్ల ఆగిపోయింది. ఒకసారి, రెండు సార్లు కాదు దాదాపు 6 సార్లు ఈ సినిమాని అనౌన్స్ చేయడం, ఆపేయడం జరిగింది.

కొన్నేళ్ల తరువాత ఎన్టీఆర్ నుంచి ఈ స్క్రిప్ట్ శోభన బాబు దగ్గరకి కూడా వెళ్ళింది. అయితే అది కూడా వర్క్ అవుట్ అవ్వలేదు. చివరిగా ఆ స్క్రిప్ట్ కృష్ణ గారి దగ్గరకి వెళ్ళింది. అల్లూరి సీతారామరాజు పాత్ర ఆయనకి బాగా నచ్చేసింది. దీంతో ఆయన మైల్ స్టోన్ మూవీ 100వ చిత్రంగా అల్లూరి సీతారామరాజుని ప్రేక్షకుల ముందుకు తీసుకు వచ్చారు. ఇక ఈ సినిమాలో కృష్ణ యాక్టింగ్ చూసిన ఎన్టీఆర్.. అల్లూరి సీతారామరాజుని మళ్ళీ ఎప్పటికైనా తాను తీద్దాం అనుకున్న ఆలోచనని పూర్తిగా విరమించుకున్నారట. అందుకనే మనకి కూడా ఇప్పటికి అల్లూరి సీతారామరాజు అంటే ముందుగా గుర్తుకు వచ్చేది కృష్ణనే.

Also Read :  Krishna – Mahesh : కృష్ణ మహేశ్ బాబు కలిసి ఎన్ని సినిమాల్లో నటించారో తెలుసా?