NTR Devara First Song యంగ్ టైగర్ ఎన్టీఆర్, కొరటాల శివ కాంబినేషన్ లో వస్తున్న దేవర సినిమా మొదటి పార్ట్ దసరా కానుకగా అక్టోబర్ 10న తెచ్చేందుకు సిద్ధమయ్యారు. ఈ సినిమాకు అనిరుద్ మ్యూజిక్ అందిస్తున్న విషయం తెలిసిందే. మే 20న తారక్ బర్త్ డే సందర్భంగా దేవర నుంచి ఫస్ట్ సాంగ్ రిలీజ్ ఫిక్స్ చేశారు. ఒకరోజు ముందే దేవర సాంగ్ రాబోతుందని తెలుస్తుంది. అయితే ఈ సాంగ్ నెక్స్ట్ లెవెల్ లో ఉంటుందని ఇప్పటికే టాక్ వచ్చింది.
అనిరుద్ మ్యూజిక్ అందించిన రజినికాంత్ జైలర్ సినిమాలో హుకుం సాంగ్ రేంజ్ లో దేవర ఫస్ట్ సాంగ్ ఉండాలని ఫ్యాన్స్ కోరుతున్నారు. అయితే యువ నిర్మాత సితార ఎంటర్టైన్మెంట్స్ బ్యానర్ అధినేత సూర్యదేవర నాగ వంశీ దేవర ఫస్ట్ సాంగ్ వినేశా ఇది విన్నాక హుకుం సాంగ్ మర్చిపోతారని సోషల్ మీడియాలో కామెంట్ పెట్టాడు.
Also Read : Pushpa 2 : పుష్ప 2 నుంచి అతను ఎగ్జిట్.. ఇది అసలు ఊహించలేదు.. అనుకున్న టైమ్ కి వస్తుందా లేదా..?
నాగ వంశీ కామెంట్స్ ని ఎన్టీఆర్ ఫ్యాన్స్ సూపర్ గా ఎంజాయ్ చేస్తున్నారు. దేవర సినిమా ఎక్కడ కాంప్రమైజ్ అవ్వకుండా తెరకెక్కిస్తున్నారని. సినిమా తన ఫ్యాన్స్ అందరినీ కాలర్ ఎగురవేసేలా చేస్తుందని ఎన్టీఆర్ రీసెంట్ గా ఒక ఈవెంట్ లో చెప్పాడు. ఇప్పుడు ఫస్ట్ సాంగ్ గురించి సోషల్ మీడియాలో జరుగుతున్న హంగామా చూస్తుంటే అది నిజమే అనిపిస్తుంది.
దేవర సినిమాతో ఎన్టీఆర్ భారీ టార్గెట్ ని పెట్టుకున్నాడు. ఈ సినిమాలో జాన్వి కపూర్ హీరోయిన్ గా నటిస్తుండగా సైఫ్ అలీ ఖాన్ విలన్ గా నటిస్తున్నారు.